Հանկարծամահ է եղել Թուրքմենստանում, Աֆղանստանում, Տաջիկստանում ՀՀ արտակարգ եւ լիազոր դեսպան Գառնիկ Բադալյանը: Այս մասին հայտնեց ԱԳՆ մամուլի խոսնակ Աննա Նաղդալյանը:
Ներկայացնում ենք Գառնիկ Բադալյանի կենսագրությունը՝
Ծննդյան թիվն ու վայրը
Ծնվել է 1958թ. Ադրբեջանի ՍՍՀ Դաշքեսանի շրջանի Բանանց գյուղում
Կրթությունը
1986թ. - ԵՊՀ արեւելագիտության ֆակուլտետի իրանական բանասիրության բաժին
2003թ. - ԳԴՀ Ջորջ Մարշալի անվան անվտանգության ուսումնասիրությունների եվրոպական կենտրոնում հնգամսյա դասընթաց
2007թ. - ԱՊՀ երկրների հետ տեխնիկական համագործակցության հիմնադրամի դիվանագիտական դասընթաց, Կահիրե, Եգիպտոս
2014թ. - ՉԺՀ կոմերցիայի նախարարությանը կից Միջազգային տնտեսության ակադեմիայի մեկամսյա դասընթաց, Պեկին, Չինաստան
1976-1978թթ. ծառայել է Խորհրդային բանակում:
Աշխատանքային գործունեությունը
1984-1985 թթ., 1987-1988թթ. - ծառայություն եւ դարի (պարսկերեն) լեզվի թարգմանիչ Աֆղանստանում
1988-1991 թթ. - լրագրող, պատասխանատու քարտուղար «Արմենպրես» լրատվական գործակալությունում, Հայաստանի ժուռնալիստների միության անդամ
1991-1992թթ. - ԱԳՆ մամուլի քարտուղար եւ տեղեկատվության բաժնի վարիչ
1993-1994թթ. - ԻԻՀ-ում ՀՀ դեսպանության, այնուհետեւ' Մերձավոր եւ Միջին Արեւելքի վարչության Իրանի բաժնի 2-րդ քարտուղար
1994-1997թթ. - ՀՀ տրանսպորտի նախարարության կառուցվող օբյեկտների տնօրինության Իրանի հետ կապերի գծով գլխավոր մասնագետ' Հայաստան- Իրան' Մեղրու կառուցվող կամրջում
1997-1998թթ. - ՀՀ Աֆղանստանի պատերազմի վետերանների միության «Մարտընկեր» շաբաթաթերթի հիմնադիր եւ գլխավոր խմբագիր
1998թ. - ԱԳՆ Մերձավոր եւ Միջին Արեւելքի վարչության խորհրդական
1998-2001 թթ. - ԻԻՀ-ում ՀՀ դեսպանության խորհրդական
2002-2004 թթ. - ԱԳՆ Իրանի բաժնի վարիչ, Հայ-իրանական կապերի կոորդինացման միջկառավարական հանձնաժողովի պատասխանատու քարտուղար:
2004-2007թթ. - ԻԻՀ-ում ՀՀ փոխդեսպան, այնուհետեւ' դեսպանության դեսպանորդի պաշտոնակատար
2007-2009թթ. - ԱԳՆ Մերձավոր եւ Միջին Արեւելքի վարչության խորհրդական, Հայաստան-Իրան-Թուրքմենստան միջկառավարական հանձնաժողովի պատասխանատու քարտուղար, ՀԱՊԿ ԱԳ նախարարների խորհրդի Աֆղանստանի հարցերով աշխատանքային խմբի Ազգային համակարգող
1995-2010 թթ. - ԱԳՆ Մերձավոր եւ Միջին Արեւելքի վարչության պետի պաշտոնակատար
2010թ. - ԱԳՆ սահմանակից երկրների վարչության խորհրդական
1996-2012թթ. - ԻԻՀ-ում ՀՀ փոխդեսպան
2012-2018թթ. - ԱԳՆ Քաղաքական ծրագրավորման վարչության Վերլուծական բաժնի խորհրդական
Դիվանագիտական աստիճանը
ՀՀ արտակարգ դեսպանորդ եւ լիազոր նախարար
Պարգեւներ
ԽՍՀՄ եւ Աֆղանստանի կառավարական եւ ռազմական պարգեւներ ՀՀ ԱԳՆ խրախուսանքներ
Գիտական աշխատություններ
Հեղինակ է Իրանի մասին 5 գրքի եւ 200 հոդվածի:
Օտար լեզուների իմացություն
պարսկերեն, ռուսերեն եւ անգլերեն
Ընտանեկան կարգավիճակ
Ամուսնացած է, ունի 2 երեխա, 2 թոռ:
ՀՀ նախագահի ս.թ. նոյեմբերի 19-ի հրամանագրով նշանակվել էր Թուրքմենստանում Հայաստանի Հանրապետության արտակարգ եւ լիազոր դեսպան: