News
Լրահոս
News
Հինգշաբթի
Հունիս 27
USD
477.33
EUR
542.2
RUB
7.56
ME-USD
0.17
Տեսնել լրահոսը

Արժույթի միջազգային հիմնադրամը (ԱՄՀ) եւ Եվրոպական կենտրոնական բանկը (ԵԿԲ) նախազգուշացրել են առեւտրային պատերազմի հետեւանքների մասին: ԱՄՀ տնօրեն Քրիսթին Լագարդը եւ ԵԿԲ նախագահ Մարիո Դրագին հայտարարել են, որ ԱՄՆ-Չինաստան գլոբալ առեւտրային վեճը կարող է վատթարացնել համաշխարհային տնտեսության վիճակը, հաղորդում է CNBC-ը:  

Լագարդը նշել է, որ արդեն ավելի քան 6 տարի զսպվում է գլոբալ աճը, եւ աշխարհի խոշորագույն տնտեսությունները նոր առեւտրային խոչընդոտներ են ստեղծում:

«Եվ դա կարող է ինչ-որ նոր բանի սկիզբ լինել, ինչը կարող է ազդել մեզ բոլորիս վրա լայն իմաստով»,- ասել է նա:    

Լագարդն ու Դրագին հայտարարել են, որ ԱՄՆ-ի սպառնալիքները՝ կապված Եվրոպայից ներմուծման սակագների սահմանման հետ, նշանակում են, որ եվրոպական որոշ երկրներ կարող են խոցելի դառնալ, հատկապես՝ Չեխիան, Սլովակիան, Լեհաստանն ու Ռումինիան:

«Վերջին տարիներին գլոբալ առեւտուրը բախվել է խոչընդոտների հետ, քանի որ առեւտրի սահմանափակման միջոցները որոշել են լիբերալացման միջոցները»,- ասել է Դրագին: ԵԿԲ նախագահի խոսքով՝ հիմնական խնդիրն այն է, որ անհրաժեշտ է անցնել աճի եւ ֆինանսավորման առավել բալանսավորված մոդելին, որն ամենից շատ կախված է ներքին նորարարություններից եւ ներդրումների ծախսերից:    

!
Այս նյութը հասանելի է նաև   English and Русский
Տպել