Սահմանին իրադրությունը համեմատաբար կայուն է: Այս մասին հունիսի 13-ին լրագրողների հետ զրույցում ասաց Հայաստանի պաշտպանության նախարար Դավիթ Տոնոյանը:
Նրա խոսքով՝ այս մասին են վկայում վերջին մի քանի օրերի օպերատիվ զեկույցները: Ի պատասխան սահմանի երկայնքով հակառակորդի անօդաչու թռչող սարքերի թռիչքների թվի աճին առնչվող հարցին՝ նախարարը նշեց, որ հայկական կողմը վերահսկում է ադրբեջանական անօդաչուների թռիչքները:
Նախարարը չմեկնաբանեց ադրբեջանական կողմի հերթական զորավարժություննեը՝ միայն նշելով, որ կատարվում է համապատասխան վերլուծություն:
