Նախկին պատգամավոր, «Երկրապահ» կամավորական միության նախկին ղեկավարի կալանքի համար հիմքերը բացակայում են: Հունիսի 13-ին լրագրողների հետ հանդիպմանն այս մասին հայտարարեց Մանվել Գրիգորյանի փաստաբան Լեւոն Բաղդասարյանը:
Բացատրելով իր պաշտպանյալին մեղսագրվող զենքի ապօրինի պահպանումը, փաստաբանը հաղորդեց, որ գտնված զենքն իսկապես պահպանվել է Գրիգորյանին պատկանած պանսիոնատում, սակայն այն այլ անձ է կառավարել:
«Եթե պետական հաստատությունում զենք հայտնաբերեն, ով է մեղավոր՝ կառավարությու՞նը, թե՞ շենքի պարետը», - օրինակ բերեց փաստաբանը:
Սակայն, շարունակեց Բաղդասարյանը, քննչկաան մարմինը դրանից շոու է սարքել, լուրեր տարածել եւ դրանից քիչ հասկացող մարդիկ հավատացել են:
«Նայեք այլ գործերով զենքի հայտնաբերման պարագայում պատասխանատու է տարածքի սեփականատերը կամ փաստացի օգտագործողը», -ասաց իրավաբանը: