Բրիտանիայի ներքին գործերի նախարար Սաջիդ Ջավիդը հայտարարել է, որ Wikileaks-ի հիմնադիր Ջուլիան Ասանժին ԱՄՆ արտահանձնելու մասին հրամանագիր է ստորագրել, որտեղ նրան մեղադրում են համակարգչային հաքերային հարձակման մեջ, հաղորդում է The Guardian-ը:
«Նրա ճաղերի հետեւում գտնվելն արդար է: ԱՄՆ արտահանձնելու դիմում է ստացվել, որը վաղը կներկայացվի դատարան, բայց երեկ ես ստորագրեցի եւ հաստատեցի արտահանձնման կարգադրագիրը», - ասել է Ջավիդը:
Ընդ որում, նա նշել է, որ Ասանժի արտահանձնման վերաբերյալ վերջնական որոշումը պետք է կայացնի բրիտանական դատարանը:
ԱՄՆ-ում Ջուլիան Ասանժի դեմ 18 կետերից կազմված մեղադրանք է ներկայացված, այդ թվում, լրտեսության համար: Նա մեղադրվում է գաղտնի տեղեկատվություն ստանալու եւ հրապարակելու, ինչպես նաեւ պետական համակարգիչը կոտրելու նպատակով դավադրության մեջ: