ԱՄՆ հատուկ խորհրդականի գրասենյակը հայտարարել է, որ Սպիտակ տան խորհրդական Քիլիան Քոնուեյը պետք է պաշտոնանկ արվի մշտապես քաղաքական գործունեությամբ զբաղվելու պատճառով՝ այն դեպքում, երբ ըստ օրենքի՝ պետական ծառայողին արգելված է զբաղվել ցանկացած տեսակի քաղաքական գործունեությամբ, հայտնում է BBC News-ը:
Կառավարական հսկողական մարմինը հայտարարել է, որ Քոնուեյը քանիցս խախտել է քաղաքական գործունեության արգելքի մասին օրենքը: Այս օրենքի համաձայն՝ քաղաքական գործունեությամբ զբաղվելու իրավունք ունեն պետական բարձրաստիճան պաշտոնյաները, օրինակ՝ երկրի նախագահը եւ փոխնախագահը:
Գրասենյակն իր մեղադրանքներն առաջադրել է հիմք ընդունելով 2017 թվականին Ալաբամա նահանգում Սենատի հատուկ ընտրությունների ժամանակ հեռուստատեսությամբ Քիլիան Քոնուեյի հայտարարությունները, երբ նա կողմ եւ դեմ է հանդես եկել առանձին թեկնածուներին: ԱՄՆ հատուկ խորհրդականի գրասենյակը հայտարարել է, որ եթե Քոնուեյը պատժից խուսափի, ապա սա ազդանշան կլինի մյուս պետծառայողների համար:
Սպիտակ տունն իր հերթին մերժել է հսկողական մարմնի առաջարկը՝ այն որակելով «խորապես ոչ կոռեկտ» եւ «աննախադեպ»: