News
Լրահոս
News
Երկուշաբթի
Հուլիս 06
USD
484.35
EUR
547.07
RUB
6.74
ME-USD
0.02
Տեսնել լրահոսը


Հայաստանի բոլոր պաշտոնաթող նախագահներն ունեն հատուկ կարգավիճակ, որի շրջանականերում տեղաշարժվում  են համապատասխան ծառայողների ուղեկցությամբ։ Այս մասին այսօր՝ հունիսի 14–ին ՀՀ վերաքննիչ քրեական դատարանում   հայտարարեց ՀՀ երկորրդ նախագահ Ռոբերտ Քոչարյանի պաշտպանական խմբի անդամ, փաստաբան Արամ Օրբելյանը՝ անդրադառնալով Երևան քաղաքի դատախազ Գևորգ Բաղդասարյանի այն հարցադրմամնը, թե ինչու՞ է Ռոբերտ Քոչարյանը դատարանի փակ գոտուց  մտնում նիստերի դահլիճ։

Բաղդասարյանը միաժամանակ հարց բարձրացրեց, թե արդյոք այդ հանգամանքը չի ենթադրում շփում դատարանի հետ։

Ի պատասխան՝ նախագահող դատավոր Արմեն Դանեիլայնն ասաց, որ իր և Քոչարյանի միջև որևէ շփում չի եղել։

«Այս ահին ինձ հայտնի չէ, թե որ մուտքով է մտնում, ես նման կարգադրություն, հանձնարարություն որևէ մեկին չեմ տվել, կճշտեմ պատեհ պահի կասեմ, նման կարգ իմ կողմից չի սահմանվել»,–ասաց նա։

Քոչարյանի պաշտպաններից Արամ Օրբելյանն էլ հիշեցրեց, որ ՀՀ բոլոր պաշտոնաթող նախագահները ունեն հատուկ կարգավիճակ, որի շրջանականերում տեղաշարժվում են  համապատասխան ծառայողների ուղեկցությամբ, այդ թվում դատական նիստերի դահլիճ են մուտք գործում  այլ մուտքից։ 

Օրբելյանը նկատեց, որ առաջին ատյանի դատարանում գլխավոր դատախազն էլ էր մուտք գործում այլ մուտքից, թեև օրենքով նախատեսված նման կարգավիճակ չուներ։

«Եթե դատախազությունը կարծում է, որ սա ռիսկ է առաջառացնում դատարանի կողմնակալության մասով, կարող է միանալ մեր կողմից դատավորին ներկայացված ինքնաբացարկի միջնորդությանը»,–ասաց նա։

Նշենք, որ այս պահին դատավորին ինքնաբացարկի միջնորդություն է ներկայացնում գործով մեղադրյալ Յուրի Խաչատուրովի պաշտպան Միհրան Պողոսյանը։

Հիշեցնենք, որ Վերաքննիչ քրեական դատարանում՝ նախագահությամբ Արմեն Դանիելյանի, շարունակվում է ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի գործով Գլխավոր դատախազության, ինչպես նաև տուժողների իրավահաջորդների ներկայացուցիչների բողոքների քննությունը:

Տպել
Կարդացեք նաև
Ամբողջը
Մարտի 1-ի բարդ եւ բազմաշերտ գործը չի կարող մակերեսային քննության առարկա լինել. Էլինար Վարդանյան
Մենք տեսանք մասնագիտական պատշաճ մակարդակի քննության օրինակ. ես նկատի ունեմ ոչ թե որոշումը, այլ դատական գործընթացը...
Յուրի Խաչատուրովի փաստաբանը միջնորդություն է ներկայացրել նիստը հետաձգելու վերաբերյալ
Հաջորդ նիստը տեղի կունենա հունիսի 30-ին ժամը 13:00-ին...
Գործարարներն այդպիսով ասում էին, թե ինչ վերաբերմունք ունեն Մարտի 1-ի գործի հանդեպ․ Վիկտոր Սողոմոնյան
Իսկ այս իշխանությունն ասում է՝ սրան-նրան կնստեցնենք, կբերի փողերը․․․
Արդյո՞ք Աննա Դանիբեկյանը այն դատավորն է, որն ի վիճակի է քննել մարտի 1-ի գործը․ ՓՊ անդամ Ասյա Օվանյան
Վերաքննիչ դատարանում բոլորովին այլ որակի դատական․․․
Դատախազությունը կբողոքարկի Ռոբերտ Քոչարյանին գրավի դիմաց ազատ արձակելու Վերաքննիչ դատարանի որոշումը
Դատախազությունը բազմիցս է նշել, որ գտնվում ենք դատական քննության այնպիսի փուլում, երբ զգալիորեն մեծ են ամբաստանյալի՝ ազատության մեջ լինելու դեպքում…
Սասուն Խաչատրյանն իր դերի մեջ է․ հարցեր կան, պատասխաններ չկան
Ես չեմ պատասխանի ոչ քաղաքական, ոչ անձնական հարցին․․․
Ամենաշատ