News
Լրահոս
News
Երեքշաբթի
Դեկտեմբեր 07
Տեսնել լրահոսը

Տնտեսական զարգացման նախաձեռնությունների կենտրոնի (ՏԶՆԿ) կողմից հունիսի 13-ին Անի Պլազա հյուրանոցի «Դվին» սրահում իրականացվեց ասուլիս-քննարկում «Անշարժ գույքի հարկման նպատակով շուկայական գնահատման կարգը սահմանելու մասին» ՀՀ օրենքի ընդունման վերաբերյալ:

Հանդիպման ընթացքում պարզ դարձավ, որ գույքը կադաստրային արժեքի փոխարեն հարկվելու է վերջինիս շուկայական գնին մոտարկած արժեքով: Գույքահարկի մասին օրենքում առկա դրույքաչափերը ենթակա են լրամշակման՝ ՀՀ ֆինանսների նախարարության կողմից: Մեկ քառակուսի մետրի բազային միասնական արժեքն էլ ներկայումս գործող երկաթ-բետոնե շինությունների համար 230.000 դրամի եւ քարե շինությունների համար 255.000 դրամի փոխարեն դառնում է միասնական՝ 700.000 դրամ:

ՏԶՆԿ տնօրեն Մարինե Առաքելյանն իր խոսքում նշեց՝  հատկապես խոցելի է, որ այս նախագիծը տարածվելու է նաեւ մարզերի վրա, որտեղ բավական բարձր է աղքատության մակարդակը եւ ցանկացած նմանատիպ փոփոխություն լրացուցիչ հարկային բեռ է դնում առավել խոցելի խավի համար: «Չէ՞ որ Կառավարությունը նպատակադրվել է մինչեւ 2023թ.-ն էապես նվազեցնել աղքատության մակարդակը: Միանգամայն արդարացված համարելով այս ոլորտում իրականացվող բարեփոխումները՝ այս ձեւաչափով նախագծի ընդունումն անընդունելի կլինի հասարակության լայն շերտերի համար:  Հարց է նաեւ ծագում, թե ինչն է հիմք հանդիսացել մեկ քառակուսի մետր մակերեսի համար բազային, միասնական արժեքը սահմանել 700,000 ՀՀ դրամ»,- նշեց Մ. Առաքելյանը:

Անշարժ գույքի կադաստրի կոմիտեի ղեկավարի տեղակալ Արայիկ Սահակյանի խոսքով,  ներկա պահին բարձրարժեք գույքը ոչ համաչափ է հարկվում ցածր արժեք ունեցող գույքից:  Օրինակ, եթե բարձր արժեքով գույքի շուկայական արժեքը կազմում է 330 մլն, իսկ հողի կադաստրային արժեքը 17 մլն,  հողի եւ գույքի վճարը միասին  կազմում է շուրջ 3 մլն դրամ, այժմ այդ գույքի արժեքը դառնալու է 2 մլրդ 840 մլն դրամ:

ՀՀ Աժ տնտեսական հարցերի մշտական հանձնաժողովի անդամ Գեւորգ Պապոյանը, անդրադառնալով եկամտային հարկի տոկոսադրույքների իջեցմանը, նշեց, որ այն ուղղված է ազգային տնտեսության մրցունակության եւ ՀՀ-ում բիզնես միջավայրի բարելավմանը, քանի որ բոլոր տնտեսվարողները, տնտեսական գործունեություն ձեռնարկելիս, ձգտում են զբաղվել  ներմուծմամբ եւ վաճառքով, ոչ թե արտադրությամբ եւ արտահանմամբ: Իսկ այս օրինագիծը միտված է արտահանման ճյուղերի մրցունակության բարձրացմանը:

Տնտեսագետ Մեսրոպ Մանուկյանի կարծիքով՝ պետք է հաշվի առնվի այն հանգամանքը, որ կենտրոնում՝ ոչ էլիտար շենքերում, կան բնակիչներ, որոնք այդտեղ են ապրում օրինակ դեռեւս 1970-ականներից եւ հարուստ չեն համարվում, սակայն այս պարագայում նրանք եւս պետք է գույքահարկ վճարեն կենտրոնում սահմանված դրույքաչափով: Նրա խոսքով՝ գույքահարկի օրինագծի սխալ վերամշակման դեպքում առաջին հերթին կտուժի պետությունը, վերջինը չպետք է խնդիրներ ստեղծի բիզնես միջավայրի համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կառավարությունը գումար է հատկացնում ակնահաճո, բայց մարտահրավերները չլուծող ծրագրերի իրականացմանը. «Հայաստան» դաշինք
2022թ․ համար ՀՀ կառավարությունը կանխատեսել է 7%, իսկ «բարենպաստ արտաքին միջավայրի դեպքում»՝ 9% տնտեսական աճ։ Կանխատեսվող տնտեսական աճը, ի թիվս...
2008 - 2019 թթ․ երկրաշարժից տուժածներին բնակարաններով ապահովելու համար 67 միլիարդ դրամ է հատկացվել
Ծրագրի ավարտին մեզ մնացել է 242 ընտանիք։ Նրանցից 214-ը նախորդ տարվանից սպասում են իրենց բնակարանային խնդրի լուծմանը․․․
Կասեցվել է հացի արտադրամասի գործունեությունը. ՍԱՏՄ
ՍԱՏՄ ղեկավարի որոշմամբ՝ «Անամել» ՍՊԸ-ին պատկանող հացի արտադրամասի…
Դոլարի փոխարժեքը շարունակում է աճել. այն անցավ 491 դրամից. Եվրոն նույնպես թանկացել է
Թանկարժեք մետաղների համար բանկի կողմից սահմանվել են հետևյալ գները...
2022-ին 7 տոկոս աճ կանխատեսելու նպատակը զուտ քաղաքական է՝ սուտ խոստումներով զսպել մարդկանց զայրույթը. Խաչատրյան
Նրա խոսքով, վիճակագրության համաձայն այս տարվա 9 ամիսների ընթացքում տնտեսական աճը նախորդ տարվա համեմատ կազմել է ընդամենը 2,66 տոկոս, իսկ...
Հայաստանի բնակիչներն Ամանորը կրկին սթրեսային վիճակում կդիմավորեն
Իրականում ամեն ինչ շատ ավելի վատ է...
Ամենաշատ