News
Լրահոս
News
Երկուշաբթի
Հունիս 17
USD
478.4
EUR
539.06
RUB
7.43
ME-USD
0.15
Տեսնել լրահոսը

«Արմավիր» ՔԿՀ-ում երկու կալանավոր դադարեցրել է հացադուլը: Այս մասին facebook-ի իր էջում գրել է ՀՀ գլխավոր դատախազի խորհրդական Գոռ Աբրահամյանը:

Նա, մասնավորապես, նշել է.

«Ինչպես արդեն տեղեկացվել է, ՀՀ գլխավոր դատախազ Արթուր Դավթյանի կողմից տարեսկզբին տրվել էր հանձնարարություն՝ անհատական աշխատանքներ իրականացնելու քրեակատարողական հիմնարկներում պահվող հացադուլի հայտարարած անձանց խնդիրներին արագ արձագանքելու, բողոքի այդ դրսեւորման պատճառների պարզման, նրանց իրավունքներին վերաբերող բարձրացված հիմնավոր խնդիրները քննարկման առարկա դարձնելու նպատակով:

Նաեւ այս շրջանակներում ՀՀ գլխավոր դատախազության պատիժների եւ հարկադրանքի այլ միջոցների կիրառման օրինականության նկատմամբ հսկողության վարչության դատախազի՝ ՀՀ ԱՆ «Արմավիր» ՔԿՀ կատարած այցի շրջանակներում դատախազի եւ քրեակատարողական հիմնարկի պետի կողմից իրականացվել է նշված ՔԿՀ-ում պահվող, հացադուլ հայտարարած անձանց անհատական ընդունելություն: Դատախազի կողմից նրանք սահմանված կարգով ենթարկվել են հարցման:

Արդյունքում հացադուլի մեջ գտնվող երկու կալանավորված անձինք՝ Վ. Խ.-ն եւ Ա. Հ.-ն, դիմումներ են ներկայացրել հացադուլը դադարեցնելու վերաբերյալ»:

Տպել