News
Լրահոս
News
Երեքշաբթի
Հունիս 18
USD
477.83
EUR
535.7
RUB
7.43
ME-USD
0.15
Տեսնել լրահոսը

Սխալը դա է, որ ինձ վիրավորել են՝ ծանուցագիր ուղարկելով։ Այս մասին այսօր՝ հունիսի 14-ին, լրագրողների հետ զրույցում ասաց ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանը՝ անդրադառնալով Քննչական կոմիտեից իրեն ուղարկված ծանուցագիրը պատռելու մասին հարցին։

«Ում պետք ա, թող ուղարկեն, եւ իրենց պարտականությունը կատարեն, եւ գործը բացահայտեն, մենք ասել ենք մեր կարծիքը, որ եթե դա չբացահայտվեց, ուրեմն մեր կարծիքը հաստատվում է, որ դա սարքած, շինծու գործ է, դրա համար իրենց պետք է համապատասխան իրենց մասնագիտական գործը կատարեն, եւ այդ հարցը բացահայտեն»,– նշեց նա։

Դիտարկմանը, որ եթե չներկայանա հարցաքննության, ըստ օրենքի, կարող են բերման ենթարկել իրեն, Ծառուկյանը պատասխանեց. «Ես նորից եմ ասում՝՝ես իմ իրավունքները, որեւիցե մեկի իրավունքներն էլ լավ գիտեմ, մարդիկ թող մասնագիտորեն իրենց գործով զբաղվեն, դա Քենեդու սպանությունը չէր, որ ամբողջ քաղաքը կա կամերաներ, ամբողջ ժողովուրդը խոսում է, ես ասել եմ, եթե գործը չբացահայտվեց, ուրեմն իրավապահ մարմիններն իրենց տեղում չեն»։

Անդրադառնալով ԲՀԿ–ական պատգամավոր Էդուարդ Բաբայանի այն խոսքերին, թե  Աբովյանը չպետք է դառնա «գործ տվողների» քաղաք, Ծառուկյանն ասաց.  «Ոչ թե գործ տալու, այլ անհիմն հայտարարություններ անելու, բողոք գրելու մասին է խոսքը եղել, ինչ–որ խոսում են, բարի եղեք հանդիպեք ժողովրդի հետ, ժողովուրդը լիարժեք իր գնահատականը կտա»։

Հիշեցնենք, որ Աբովյանի քաղաքապետի ընտրությունների նախօրեին ՔՊ–ի աջակցությունը վայելող  Գրիգոր Գուլյանի նախընտրական շտաբի ղեկավարի տան եւ մեքենայի հրկիզման գործով հարցաքննության է հրավիրվել «Բարգավաճ Հայաստան» կուսակցության առաջնորդ Գագիկ Ծառուկյանը, սակայն պատգամավորը պատռել է քննիչից ստացած ծանուցագիրը եւ չի ներկայանալ հարցաքննության:

!
Այս նյութը հասանելի է նաև   English and Русский
Տպել
Ամենաշատ