Անկարան «պատասխան քայլեր կձեռնարկի», եթե ԱՄՆ-ն ռուսական C-400 համակարգերի ձեռքբերման համար պատժամիջոցներ կիրառի, հայտարարել է Թուրքիայի արտգործնախարար Մեւլութ Չավուշօղլուն, հաղորդում է Reuters-ը:
Թուրքական լիրան էժանացել է նախարարի մեկնաբանություններից հետո` հասնելով դոլարի դիմաց 5.9075 նիշի նվազագույնը երկու շաբաթվա ընթացքում:
Վաշինգտոնը զգուշացրել է պատժամիջոցների եւ Թուրքիային F-35 կործանիչների ծրագրից բացառելու մասին, եթե նա ձեռք բերի ռուսական C-400-ը: Չավուշօղլուն Anadolu գործակալությանը տված հարցազրույցում ասել է, որ անհնար է չեղյալ համարել C-400 պատվերը:
