News
Լրահոս
News
Երեքշաբթի
Հունիս 18
USD
477.83
EUR
535.7
RUB
7.43
ME-USD
0.15
Տեսնել լրահոսը

Առեւտրի հարցերով եվրահանձնակատար Սեսիլիա Մալմստրեմը հույս ունի, որ ԱՄՆ-ի նախագահ Դոնալդ Թրամփը կհանդիպի իր չինացի գործընկեր Սի Ցզինպինի հետ Ճապոնիայում կայանալիք G20-ի գագաթնաժողովում, որպեսզի նրանք փորձեն պակասեցնել առեւտրային լարվածությունը երկու երկրների միջեւ, հաղորդում է Reuters-ը:

Նրա խոսքով՝ ամբողջ աշխարհը համարում է, որ նրանց հանդիպումը «լավ միտք է»: «Փաստը, որ գոնե կա հավանականություն, որ դա կարող է հանգեցնել ապաէսկալացիայի: Այդ երկու երկրների երկխոսությունը լավ նշան կլինի ամբողջ աշխարհի համար»:

ԱՄՆ-ի եւ Չինաստանի միջեւ առեւտրային հարաբերությունները սրվել են, քանի որ Վաշինգտոնը փորձում է ճնշում գործադրել Պեկինի վրա, որպեսզի վերջինս փոխի իր առեւտրային քաղաքականությունը: Անցած ամիս լարվածության սրումն առաջացրել էր անհանգստություն լայնածավալ առեւտրային պատերազմի առիթով, որը կարող է գլոբալ ռեցեսիա հրահրել:

Չնայած Եվրոպական միությունը համաձայն է ԱՄՆ-ի քննադատությունների մեծ մասի հետ, սակայն համարում է, որ պետք է այլ ճանապարհ ընտրել՝ օգտագործելով Առեւտրի համաշխարհային կազմակերպությունը վեճերը հարթելու եւ նոր կանոնները քննարկելու համար, ասել է Մալմստրեմը:

Նա նշել է, որ Չինաստանին անհրաժեշտ են ռեֆորմներ, եւ վերջինս պետք է հրաժարվի հսկայական արդյունաբերական սուբսիդիաներից ոչ միայն գաղափարական, այլ նաեւ պրագմատիկ պատճառներով եվրոպական, ամերիկյան եւ այլ արեւմտյան ներդրումների անդադար հոսքն ապահովելու համար:

!
Այս նյութը հասանելի է նաև   Русский
Տպել
Ամենաշատ