News
Լրահոս
News
Չորեքշաբթի
Հոկտեմբեր 23
USD
475.99
EUR
528.92
RUB
7.45
ME-USD
0.07
Տեսնել լրահոսը

Այսօր՝ հունիսի 15-ին, 96 տարեկանում մահացել է ականավոր ռեժիսոր Ֆրանկո Ձեֆիրելին, որը Իտալիայում մշակույթի ոլորտի կուլտային անհատներից մեկն էր դարձել, հայտնում է The Guardian-ը: 

Ձեֆիրելիի կարիերան, որը տեւել 6 տասնամյակ, նշանավորվել է հագեցած եւ ականավոր գործունեությամբ ինչպես կինոյում, այնպես էլ թատրոնում եւ օպերայում: Նրա թատերական բեմականացումներից շատերը հաջողությամբ էկրանավորվել են. օրինակ՝ նրա ներկայացումը այդ ժամանակ դեռեւս պատանի կինոաստղ Ջուդի Դենչի հետ, մարմնավորվել է նաեւ էկրանում: Ֆիլմում Ջուլիետայի դերը կատարել է հայտնի բրիտանացի դերասանուհի Օլիվիա Հասսին: Այդ ժամանակ ֆիլմը ստացել է «Ոսկե գլոբուս» կինոմրցանակ:

Շեքսպիրի  պիեսները հաճախ են ոգեշնչել Ձեֆիրելիին բեմադրելու պիեսները եւ դառնալու կինոժապավենների ռեժիսորը. այսպես, օրինակ, նա նկարահանել է ահռելի հանրաճանաչություն ստացած «Անսանձ կնոջ սանձահարումը» կատակերգությունը՝ գլխավոր դերերում լեգենդար Էլիզաբեթ Թեյլորի եւ Ռիչարդ Բարթոնի հետ, «Համլետ» ողբերգությունը՝ Մել Գիբսոնի եւ Գլեն Քլոուզի հետ, ինչպես նաեւ Ջուզեպե Վերդիի «Օթելո»-ի օպերային բեմականացման հեղինակն է, որում երգել է ականավոր իսպանացի տենոր Պլասիդո Դոմինգոն: Ձեֆիրելին բեմականացրել է նաեւ օպերաներ, որոնցում երգել են այնպխիսի դիվաներ, ինչպես Ջոան Սազերլենդը եւ Մարիա Կալասը: Նա էլ եղել է «Կալաս առհավետ» կինոնկարի ռեժիսորը՝ գլխավոր դերում Ֆաննի Արդանի հետ:

Ռեժիսորը համոզված էր, որ օպերայի հանդեպ սերը իրեն է փոխանցվել դիրիժոր պապիկից: Ձեֆիրելին ծնվել եւ մեծացել է Ֆլորենցիայում: Նա նորաձեւ դիզայներ Ադել Գարոսի Ցիպրիանոյի եւ տեքստիլի վաճառական Օտորինո Կորսիի ապօրինի ծնված որդին էր: Նրան անունը նվիրել է մայրը: Իտալերենից թարգմանած zeffiretti նշանակում է բրիզ՝ առափնյա զեփյուռ:

Ցիպրիանին, որի կարիերան կործանվել էր սկանդալի պատճառով, մահացել է, երբ որդին 6 տարեկան էր:

Ձեֆիրելին 1941 թվականին ավարտել է Նրբագեղ արվեստների ակադեմիան եւ հոր խորհրդով ընդունվել Ֆլորենցիայի համալսարան կերպարվեստ եւ ճարտարապետություն ուսումնասիրելու համար: Ավելի ուշ՝ Երկրորդ աշխարհամարտի տարիներին նա դարձել է իտալական Դիմադրության շարժման անդամ:

1946 թվականին Ձեֆիրելին տեղափոխվել է Հռոմ, որտեղ սկսել է աշխատել թատերական նկարիչ եւ դերասան, իսկ մեկ տարի հետո ռեժիսոր Լուկինո Վիսկոնտին, որը մեծապես ազդել է Ձեֆիրելիի ստեղծագործության վրա, նրան հրավիրել է մասնակցելու «Հողը ցնցվում է» ֆիլմի նկարահանումներին, եւ ռեժիսորի սեփական խոստովանությամբ՝ ինքը շատ բանով է պարտական Վիսկոնտիին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հոսպիտալացվել է «Ճակատագրի հեգնանք»-ի աստղ Վալենտինա Տալիզինան
ՌԽՖՍՀ ժողովրդական արտիստուհին հիվանդանոցում է...
«Բարեփոխելով աշխարհը» կինոյի և հեռուստահաղորդումների փառատոնի հատուկ մրցանակը շնորհվել է Արմեն Սարգսյանին
Նախագահ Սարգսյանը մեծ պատիվ է համարել նման մրցանակի արժանանալը և բարձր գնահատել Դեյվիդ ՄաքՔենզիի ու նրա գործընկերների ներդրումը փառատոնի հիմնադրման և կազմակերպման, մարդասիրության, մարդու իրավունքների պաշտպանության գործում…
«Աստղային պատերազմներ»-ից Դարթ Վեյդերի սաղավարտը վաճառվել է Լոս Անջելեսի աճուրդում
Հենց այդ սաղավարտով էլ Էնակին Սքայուոքերը, որը վերածվել էր Դարթ Վեյդերի, արտաբերում է հանրահայտ «Եւ թող քեզ հետ լինի ուժը, երիտասարդ Սքայուոքեր, սակայն դու դեռ ջեդայ չես» արտահայտությունը․․․
Բակո Սահակյանը ներկա է գտնվել «Առան՝ միստիկ երկիր» վավերագրական ֆիլմի պրեմիերային
Բակո Սահակյանը սեպտեմբերի 28-ին Ստեփանակերտի մշակույթի եւ երիտասարդության պալատում…
Մահացել է ռեժիսոր Մարկ Զախարովը
«Մարկ Անատոլեւիչ Զախարովը մահացել է այսօր երկարատեւ հիվանդությունից հետո: Մահացել է վերջին մոհիկանը»...
Ամերիկյան մի շարք կինոթատրոններ հանդիսատեսին արգելել են «Ջոքերի» ցուցադրությանը գալ դիմակներով եւ գրիմով
Ֆիլմի պրեմիերան նախատեսված է հոկտեմբերի 4-ին…