ԱԳՆ-ում աշխատող դիվանագետներին կարող է հնարավորություն տրվել մեկնել արտասահմանյան գործուղումների ոչ միայն վարչապետի աշխատակազմի շրջանակում, այլեւ պատգամավորների եւ հանրապետության նախագահի օտարերկրյա ուղեւորությունները:
Հունիսի 17-ին արտաքին գործերի մշտական խորհրդարանական հանձնաժողովի նիստին «Դիվանագիտական ծառայության» օրենքում փոփոխություններ եւ լրացումներ կատարելու օրինագծի քննարկման ժամանակ այս մասին ասաց փոխարտգործնախարար Գրիգոր Հովհաննիսյանը:
Նրա խոսքով՝ գործող օրեսնդրության համաձայն, այդ իրավունքը գործում է միայն վարչապետի աշխատակազմի եւ վարչապետի գործուղումների դեպքում: Սա, ինչպես նշեց փոխնախարարը, շատ դիվանագետների, որոնց ԱԳՆ անունից ուղարկում են տարբեր գործուղումների, թույլ կտա պահպանել իրենց ստաժը եւ դիվանագետի կարգավիճակը:
Նշենք, որ օրինագիծը դրական եզրակացություն ստացավ խորհրդարանական հանձնաժողովում:
