News
Լրահոս
News
Շաբաթ
Օգոստոս 15
USD
484.83
EUR
571.91
RUB
6.61
ME-USD
0.01
Տեսնել լրահոսը

Առաջադրված օրինագծի համաձայն՝ Հայաստանում խաղատների գործունեության հսկողությունը կխստացվի։ Այս մասին խորհրդարանի Տնտեսական հարցերի մշտական հանձնաժողովի նիստում, «Գովազդի մասին» օրենքում փոփոխություններ եւ լրացումներ կատարելու մասին օրինագծի, ինչպես նաեւ «Վիճակախաղերի, ինտերնետ վիճակախաղերի եւ խաղատների մասին» օրենքում լրացումներ կատարելու մասին օրինագծի քննարկման ժամանակ, հունիսի 17-ին ասաց կառավարող «Իմ քայլը» կուսակցության պատգամավոր Հրաչյա Հակոբյանը։

Նրա խոսքով՝ նախատեսվում է սահմանափակել ոչ միայն խաղատների մասին գովազդի ժամանակն ու տեղը, այլեւ բովանդակությունը։ «Հոլովակներում կարելի չի լինի տպավորություն ստեղծել, որ մոլախաղը կարող է ապահովել քաղցր կյանք, այսինքն՝ մշտական կամ երաշխավորված եկամուտ»,- պարզաբանել է պատգամավորը։

Ընդ որում, ինչպես նշել է Հակոբյանը, խաղատնում խաղալը չի կարելի ներկայացնել նաեւ որպես ինքնահաստատման միջոց։ Բացի այդ, չի կարելի ներշնչել, որ խաղի օգնությամբ կարելի է կայանալ հասարակությունում, այդ թվում եւ պրոֆեսիոնալ իմաստով։

Խորհրդարանականը տեղեկացրել է, որ հեռուստատեսությամբ խաղատան գովազդը առաջարկվում է սահմանափակել 22.00-ից 07.00-ի միջակայքում։ «Այդ ամբողջ ժամերին մեկ խաղատան գովազդը չպետք է գերազանցի երեք րոպեն։ Ինչ վերաբերում է առցանց գովազդին, ապա դրա բաներները լրատվական կայքերում չպետք է գերազանցեն մակերեսի 20 տոկոսը, իսկ մանկապատանեկան կրթական եւ բժշկական կայքերում նման գովազդն ընդհանրապես կարգելվի»,- ասել է Հակոբյանը։

Բացի դրանից, ինչպես նշել է կառավարող կուսակցության պատգամավորը, խաղատան, մոլախաղերի գրավադրման միջոցների ցանկացած գովազդից առաջ պետք է նախազգուշացում լինի. «Մասնակցությունը խաղին նյութական ռիսկեր է պարունակում»։ Այս կանոնների խախտման համար առաջարկվում է սահմանել տուգանք՝ մեկ միլիոն դրամ։

Նշենք, որ օրինագիծը դրական եզրակացություն է ստացել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հյուրանոցային տնտեսությունները ամենաշատ վնասներն են կրել համավարակից. Հայաստանի Հյուրանոցների Ասոցիացիա
Ասոցիացիան բազմիցս հայտնել է այն կարծիքը, որ ոլորտին աջակցությունը պետք է լինի հաշվի առնելով այն փաստը, որ ոլորտը շարունակելու է վնասներ կրել և հիմնվելով փորձագետների...
Դոլարը, եվրոն ու բրիտանական ֆունտը էժանացել են
Թանկարժեք մետաղների համար բանկի կողմից սահմանվել են հետեւյալ գները...
Ախմախ օրենքների վրա նստել ենք ու բիզնեսին զինվորի հաց գողացող ենք ասում. Վահրամ Միրաքյան
Էս պրովակացիոն սկզբից հետո ներկայացնեմ ՀԴՄ չխփելու իրական պատճառները, քանի որ մինչեւ հիմա հիմնականում էմոցիոնալ պատճառներ են բերվում…
Վարչապետին ներկայացվել է Քաղաքաշինության կոմիտեի 2019 թ. միջոցառումներն ու դրանց կատարողականը
Քաղաքաշինության կոմիտեի նախագահի պարտականությունները կատարող Արմեն Ղուլարյանը ներկայացրել է ՀՀ կառավարության ծրագրով, նաեւ հնգամյա…
Կայուն զբաղվածություն հնարավոր չի ապահովել շրջակա միջավայրի գերշահագործման հաշվին. Թադեւոս Ավետիսյան
Ընդհանուր առմամբ, այս հիմնախնդիրները կայուն զարգացման տեսանկյունից ձեւավորում են հետեւյալ խումբ ռիսկերը…
Էկոնոմիկայի նախարարություն. Մինչեւ տարեվերջ Հայաստանում տնտեսական անկումը կարող է հասնել մոտ 5 տոկոսի
Ըստ Տիգրան Խաչատրյանի` 5 տոկոս անկումը համահունչ է համաշխարհային տնտեսական միտումներին...