News
Լրահոս
News
Երկուշաբթի
Ապրիլ 22
Տեսնել լրահոսը

Իրանի ատոմային էներգիայի կազմակերպության մամուլի քարտուղար Բեհրուզ Քամալվանդին երկուշաբթի ասել է, որ երկիրն արագացրել է հարստացված ուրանի արդյունահանումը, եւ 10 օրում դրա պաշարը կգերազանցի 300 կիլոգրամանոց շեմը, տեղեկացնում է Tasnim-ը։

Արաքում լրագրողների հետ հանդիպման ժամանակ Քամալվանդին տեղեկացրել է 2015 թվականի միջուկային գործարքի գծով Իրանի որոշ պարտավորությունների դադարեցման մասին, ներառյալ հարստացված ուրանի պաշարների անսահմանափակ ավելացումը։

Նա ասել է, որ Իրանն ավելացրել է հարստացված ուրանի արդյունահանումը Նեթենզի ատոմային օբյեկտում՝ ավելացնելով, որ հաշվարկն սկսվում է այսօրվանից։

«Մենք կանցնենք (ուրանի պաշարների) 300 կլիոգրամանոց շեմը 10 օրում,- ասել է նա՝ ընդգծելով, որ կբարձրանա նաեւ մինչեւ 3.67 տոկոս մաքրության ուրանի հարստացման տեմպը։

Հնարավոր է, որ առաջիկա տարիներին Իրանը ավելորդ ծանր ջրի արտահանման կարիք չի ունենա։

Կազմակերպության ներկայացուցիչը նաեւ ներկայացրել է փաստարկներ ընդդեմ ԱՄՆ հայտարարությունների, թե ծանր ջրի արտադրության գործարանն Արաքում ավտոմատ կերպով կփակվի, եթե երկիրը միջազգային գնորդներ չգտնի։

Նա նշել է, որ դա պետք կգա ներքին շուկային։

Նա ավելացրել է, որ հենց 2015 թվականի միջուկային գործարքի եվրոպական կողմերը «գործնական միջոցներ» նախաձեռնեն Իրանի շահերի երաշխավորման համար, Թեհրանը կկարողանա վերադառնալ իր նախկին պարտավորությունների կատարմանը։

Հիշեցնենք, որ 2015 թվականի հուլիսի 14-ին 5+1 խումբը, որի մեջ մտան Ռուսաստանը, Չինաստանը, ԱՄՆ-ը, Մեծ Բրիտանիան, Ֆրանսիան եւ Գերմանիան, համաձայնեցրեց 2015-ի միջուկային գործարքի տեքստը։

Գործարքն ուժի մեջ է մտել 2016-ի հունվարին, եւ այդ համաձայնագրի համաձայն՝ ենթադրում էր անհապաղ չեղարկել բոլոր միջուկային պատժամիջոցներն Իրանի հանդեպ։ Սակայն 2018-ի մայիսի 8-ին ԱՄՆ նախագահ Դոնալդ Թրամփը հայտարարեց, որ իր երկիրը դուրս է գալիս միջուկային գործարքից։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Bloomberg. ՄԱԳԱՏԷ-ն շարունակում է աշխատել Իրանում՝ չնայած Իսրայելի հետ հարաբերությունների սրմանը
ՄԱԳԱՏԷ-ն շարունակում է Իրանում անվտանգության միջոցառումներ իրականացնել
ԱՄՆ-ն Նիգերին մեղադրել է Իրանի հետ ուրանի վերաբերյալ գործարք պատրաստելու մեջ. WSJ
Նիգերը որոշել է խզել ռազմական համաձայնագիրը Վաշինգտոնի հետ...
Իրանը հայտնել է, որ պատրաստ է քննարկել միջուկային գործարքի վերականգնումը ԵՄ ցանկության դեպքում
Իրանը պատրաստ է քննարկել...
ԱՄՆ- ն Իրանում ուրանի մակարդակի հարստացման աշխատանքները ռազմական բնույթի է համարում
Իրանը կպաշտպանի իր միջուկային ծրագրի խաղաղ զարգացման իրավունքը. Ռաիսի
Միջուկային զենք ունեցող երկրները ձգտում են թույլ չտալ Իրանի ժողովրդին իրականացնել իր օրինական իրավունքը...
Իրանը բավարար քանակությամբ հարստացված ուրան ունի միջուկային մի քանի մարտագլխիկ ստեղծելու համար․ «ՄԱԳԱՏԷ»-ի տնօրեն
Գործակալությունը գրում է, որ Իրանը խափանում է իր միջուկային ծրագրի ուսումնասիրության ուղղությամբ ձեռնարկվող միջազգային ջանքերը․․․
Ամենաշատ