News
Լրահոս
News
Հինգշաբթի
Հուլիս 18
USD
476.41
EUR
535.1
RUB
7.57
ME-USD
0.17
Տեսնել լրահոսը

Օրինագծի տվյալ փաթեթով ենթադրվում է, որ ընդդիմության թեկնածուներին տեղեր են հատկացվում Տնտեսական մրցակցության պաշտպանության պետական հանձնաժողովում (ՏՄՊՊՀ) եւ Հանրային ծառայությունների կարգավորման հանձնաժողովում (ՀԾԿՀ): Այս մասին այսօր պետաիրավական հարցերով խորհրդարանական հանձնաժողովի մշտական նիստի ժամանակ օրինագծի համապատասխան փաթեթի քննարկման ընթացքում հայտարարել է դրա նախաձեռնող, ԱԺ խոսնակ Արարատ Միրզոյանը:

Միրզոյանը նշել է, որ ուրախ կլիներ դեբատներին տեսնել իր ընդդիմադիր գործընկերներին, որոնք իր համար անհասկանալի պատճառով ներկա չեն եղել: 

Նշենք, որ ընդդիմադիր «Լուսավոր Հայաստան» եւ «Բարգավաճ Հայաստան» կուսակցությունները փաստացի չեն մասնակցել նիստին, երբ պետք է Արարատ Միրզոյանին ներկայացնեին իրենց օրինագիծը:

Հարկ է նշել, որ մինչ այդ պահը նրանք մասնակցում էին հանձնաժողովի նիստին:

Ավելի վաղ գրեթե նույն օրինագծով հանդես էր եկել «Բարգավաճ Հայաստան» կուսակցության պատգամավոր Սերգեյ Բագրատյանը: Նա հանձնաժողովի անդամներին էր ներկայացրել իր օրինագիծը, որից հետո նրան քննադատել էին «Իմ քայլի» պատգամավորները: Հատկապես կոշտ ելույթով հանդես է եկել պատգամավոր Աննա Կարապետյանը, որը հայտարարել է, որ Բագրատյանի ներկայացրած օրինագիծը մշակված չէ:

Այդուհանդերձ, նա գովել էր ԱԺ նախագահի ներկայացրած նախաձեռնությունը: «Այդ օրինագիծն ավելի լավ է մշակված եւ դրական եզրակացության է արժանի»,- ասել էր Կարապետյանը:

Արդյունքում Բագրատյանի ներկայացրած բոլոր օրինագծերը բացասական եզրակացություն են ստացել, իսկ Արարատ Միրզոյանի ներկայացրած օրինագծերը դրական եզրակացություն են ստացել՝ առանց ընդդիմադիրների մասնակցության: 

!
Այս նյութը հասանելի է նաև   Русский
Տպել
Ամենաշատ