News
Լրահոս
News
Երեքշաբթի
Հուլիս 23
USD
476.18
EUR
534.18
RUB
7.56
ME-USD
0.16
Տեսնել լրահոսը

Պետական գույքի կառավարման կոմիտեի նախագահ Նարեկ Բաբայանը գրություն է ուղարկել Մանվել Գրիգորյանի և Նազիկ Ամիրյանի գործով դատավորին։ Այս մասին այսօր՝ հունիսի 18–ին հայտարարեց Երևանի ընդհանուր իրավասության դատարանի դատավոր Մնացական Մարտիրոսյանը։

Պետգույքի կառավարման կոմիտեի նախագահը դատարանից հետաքրքրվել է, թե որքա՞ն է կազմում Գրիգորյանի կողմից պետությանը պատճառված վնասի չափը և արդյոք արգելանք դրվա՞ծ է Գրիգորյանին պատկանող տնտեսության, անշարժ և շարժական գույքի վրա։

Նշենք, որ Գրիգորյանի պաշտպան Լևոն Բաղդասարյանը դեռևս 2018թ. հոկտեմբերի 17–ին դիմել է կառավարությանը և հայտնել, որ Գրիգորյանը

ցանկություն ունի Ակնալիճ համայնքում գտնվող «Ակնալճի կուղբաբուծական տնտեսություն» ընկերության 329 հեկտար տարածքը նվիրաբերել Հայստանի Հանրապետությանը։

Փաստաբանը տեղեկացրել է, որ Գրիգորյանը պատրաստ է ընկերության 100 տոկոս բաժնեմասը  տրամադրել պետությանը՝ արձանագրելով, որ այդ տարածքի շուկայական արժեքը մի քանի անգամ գերազանցում է պետությանը պատճառված ենթադրյալ վնասի չափին։

Կառավարությունն իր հերթին նվիրատվության գործընթացի կազմակերպումը հանձնարարել է Պետգույքի կառավարման կոմիտեին։

Դատարանին ներկայացված գրությամբ Պետական գույքի կառավարման կոմիտեն հայտնել է, որ ժամանակին ՀՔԾ–ն գրությամբ տեղեկացրել է, որ վարույթում գտնվող գործով հստակեցված չէ հանցագործությամբ պետությանը պատճառված վնասի չափը և առաջարկել է կոմիտեին՝  հարցի քննարկումը հետաձգել մինչև վնասի չափը պարզելու համար քննչական և դատավարական գործողությունների  ավարտը։

Նախագահող դատավար Մնացական Մարտիրոսյանը հայտարարեց, որ թեև  քրեական գործի նյութերը դեռևս չեն հետազոտվել, սակայն հայտնի է, որ արգելանք է դրված Գրիգորյանի ամբողջ գույքի՝  այդ թվում բաժնետոմսերի, տրանսպորտային միջոցների վրա։

Դատարանը նկատեց, որ նախ պետք է քննարկվի բաժնետեմսերի վրայից արգելանքը հանելու միջնորդությունը, ապա նոր վնասի փոխհատուցման հարցը։

Գրիգորյանի պաշտպան  Լևոն Բաղդասարյանը հայտարարեց, որ Գրիգորյանի առաջարկած ընկերության շուկայական արժեքը  հինգ անգամ ավելի է պետությանը պատճառված ենթադրյալ վնասի չափից։

«Այժմ ճշտված է վնասի չափը, սակայն տեխնիկական պատճառներով կառավարությունը չի կարողանում իրագործել նվիրատվությունը։ Իմ պաշտպանը զրկված է օրենքով նախատեսված՝ վնասի չափը փոխհատուցելու իրավունքից»,–հայտարարեց նա։

Հիշեցնենք, որ հունիսի 6–ին Մանվել Գրիգորյանը ծայրահեղ ծանր վիճակով «Դատապարտյալների հիվանդանոց» ՔԿՀ–ից տեղափոխվել էր «Սուրբ Գրիգոր Լուսավորիչ» ԲԿ, իսկ օրեր անց՝ «Նաիրի» ԲԿ։

Մանվել Գրիգորյանը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու եւ շորթմամբ 37 միլիոն դրամ արժողությամբ գույքի հափշտակությունը կազմակերպելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ստեփանակերտի 55-ամյա բնակիչը ինքնասպանություն գործելու նպատակով թիթեղի կտորով վնասել է աջ ձեռքը
Նախապատրաստվում են նյութեր ըստ ենթակայության ուղարկելու համար…
Խոշոր վթար Արցախում. «Լեքսուսը» գլորվել է ձորը. վիրավորներին ուղղաթիռով տեղափոխում են Երեւան (ֆոտո)
Նախնական տվյալներով վթարի պատճառ է հանդիսացել «LEXUS RX 300» մակնիշի ավտոմեքենայի վարորդի անզգուշությունը...
Երեւանյան ռեստորաններից մեկում գազի արտահոսքից հրդեհ է բռնկվել. դեպքի վայր է մեկնել 4 մարտական հաշվարկ
Դեպքի վայր է մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ...
Լոռու մարզում Mercedes-ը բախվել է կանչի գնացող, ազդանշանները միացված շտապօգնության մեքենային (ֆոտո)
Փաստի առիթվ նյութեր են նախապատրաստվում, ոստիկանությունը պարզում է վարորդների ինքնությունը...
Բագրատաշենում «Օպել Վեկտրա»-ն ամբողջությամբ այրվել է
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ ...
Երեւան-Սեւան ճանապարհին երկու մեքենաներ բախվել են ձիուն. մեքենաներից մեկը շրջվել է. մեկն էլ՝ սահել ձորը
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ...
Ամենաշատ