News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Ազերի Չիրագ Գյունեշլի հանքավայրերի բլոկից մինչ այսօր արդյունահանված նավթի ամբողջ ծավալը  կազմել է 485 մլն տոննա: Այս մասին, ինչպես հայտնում են ադրբեջանական ԶԼՄ-ները, ասել է Ադրբեջանի Էներգետիկայի նախարար Պյարվիզ Շահբազովը:

«Ազերի Չիրագ Գյունեշլի հանքավայրերի բլոկից մինչ այսօր արդյունահանվել է 485 մլն տոննա նավթ եւ 158 մլրդ խորանարդ մ ուղեկցվող գազ», - մայիսի 30-ին Բաքվում, «Caspian Oil&Gas 2019» համաժողովին ելույթ ունենալով, ասել է Շահբազովը:

Նրա խոսքով՝ ընդհանուր առմամբ Ազերի Չիրագ Գյունեշլի բլոկի շահագործման համար ներդրումները գերազանցել  են 36 մլրդ դոլարը:

«23 տարիների ընթացքում Ադրբեջանի տնտեսության մեջ կատարված ներդրումների ընդհանուր ծավալը  կազմել է  263 մլրդ դոլար, այդ թվում՝ 100.6 մլրդ դոլար նավթագազային ոլորտում», - հավելել է Էներգետիկայի նախարարը:

Տրամաբանական հարց է առաջանում՝ ինչու Ադրբեջանում նման զարգացող տնտեսությունում մինչ օրս լուծված չեն սոցիալական բնույթի շատ հարցեր:

Ադրբեջանցիները մի շարք սոցիալական խնդիրներ ունեն, ինչպիսին գործազրկության բարձր մակարդակն է եւ  չնչին աշխատավարձերը: Երկրում ռիսկի նոր խումբ է հայտնվել՝ մարդիկ, որոնք խոշոր վարկային պարտքեր ունեն:

Մարդիկ ի վիճակի չեն մարել իրենց բարձր տոկոսներով վարկերը, նրանք աշխատանք գտնելու հույս չունեն, առանց կողմնակի միջամտության բիզնեսով զբաղվել նույնպես չեն կարող:

Հասարակության խորը սոցիալական շերտավորումը, հատկապես երբ ոմանք անխղճաբար թալանում են մյուսներին, հանդիսանում է իշխող կլանի նկատմամբ քաղաքացիների անվստահության պատճառներից մեկը: Նման պայմաններում հասարակությունը դեպրեսիայի մեջ է ընկնում:

Ադրբեջանում բարձրագույն կրթությամբ քաղաքացիների մեծամասնությունը իրենց չքավոր է համարում (ուսուցիչներ, արվեստի ներկայացուցչներ):

Դրա հիմնական պատճառ են համարում գործազրկությունը, խորը սոցիալական շերտավորումը հարուստների կույտի եւ միլիոնավոր աղքատ քաղաքացիների միջեւ, ինչպես նաեւ կոռուպցիան եւ ադրբեջանցի պաշտոնյաների կամայականությունները: Այսպիսով պատճառը ոչ թե ծանր սոցիալական պայմանների մեջ է, այլ ընդհանուր սոցիալական անարդարության:

Րաֆֆի Սամվելյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստանի բարձրավոլտ էլեկտրացանցեր» ընկերությունում խախտումներ են հայտնաբերվել. հաշվետվություն
Խախտումներ «Հայաստանի բարձրավոլտ էլեկտրացանցում»...
Մեղրին կգազիֆիկացվի․ Սյունիքում հավաստիացրել է Սուրեն Պապիկյանը
Մարզպետարանում կայացած հանդիպմանը ներկա էին Սյունիքի մարզպետն ու փոխմարզպետը...
Սուրեն Պապիկյանը Սյունիքի մարզում ծանոթացել է էներգետիկայի ոլորտում կատարվող շինաշխատանքներին
Նախարարն ուշադրություն է դարձրել ծրագրերի շրջանակներում առաջացած ընթացիկ խնդիրներին, անդրադարձել է պատվիրատու-կապալառու փոխհարաբերություններին…
Նավթի համաշխարհային գները նվազում են
Սակարկությունները վկայում են նավթի գների նվազման մասին...
ԱՄՆ-ում խոստացել են նավթի գների նվազում
Նավթի գները կարճ ժամկետում կնազեն...
Նավթի համաշխարհային գները նվազում են
Սակարկությունների տվյալները վկայում են նավթի գների նվազման մասին...
Ամենաշատ