News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը


Վերաքննիչ քրեական դատարանում ՀՀ երկրորդ նախագահ Ռոբերտ Քոչարյանի եւ մյուսների գործով բողոքների քննությունն անցնում է լարված մթնոլորտում։

Նախագահող դատավոր Արմեն Դանիելյանը շուրջ կես ժամ է տեխնիկական հարցեր է քննարկում՝ թույլ չտալով պաշտպաններին իրենց դիրքորոշումները հայտնել։ Արդյունքում վիճաբանություն սկսվեց դատավորի եւ գործով մեղադրյալ Յուրի Խաչատուրովի պաշտպան Միհրան Պողոսյանի եւ Քոչարյանի պաշտպան Հայկ Ալումյանի միջեւ։ Դատավորը հայտարարեց, որ հնարավոր է քննարկվի Միհրան Պողոսյանի նկատմամբ դատական սանկցիա կիրառելու հարցը՝ դատարանի բնականոն գործունեությունը խոչընդոտելու եւ նախագահող դատավորի հետ զուգահեռ խոսելու համար։

Այնուհետեւ Դանիելյանը հանդիմանեց պաշտպան Հայկ Ալումյանին՝ ծիծաղելու համար։

«Պարոն Ալումյան, կարծում եմ ոչ ոքի հրճվանքը չեմ առաջացրել»,–հայտարարեց դատավորը՝ թույլ չտալով Ալումյանին կարծիք հայտնել։

Փաստաբանն էլ իր հերթին հայտարարեց, որ առարկում է  դատարանի գործողությունների դեմ։

«Առաջին անգամ մեղմ ասում եմ՝ հրճվանք բառն իմ նկատմամբ չկիրառեք, մյուս անգամ շատ կոպիտ եմ ասելու»,–հայտարարեց Ալումյանը։

Նախագահող դատավորն էլ հորդորեց պաշտպանին՝ «իր վրա մատ թափ չտալ»՝ նշելով, որ ինքը դատարան չի եկել որեւէ մեկի հետ վիճելու։

Նշենք, որ Վերաքննիչ քրեկան դատարանում ընթանում է Ռոբերտ Քոչարյանի եւ մյուսների գործով բողոքների քննությունը։

Գլխավոր դատախազությունը բողոքարկել է մայիսի 18-ի՝ Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու եւ նույն դատարանի մայիսի 20֊ի՝ քրեական գործի վարույթը կասեցնելու եւ Սահմանադրական դատարան դիմելու որոշումը:

Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու համար: Քոչարյանի պաշտպանները պնդում են, որ նրա նկատմամբ քաղաքական հետապնդում է իրականացվում։

Տպել
Կարդացեք նաև
Ամբողջը
ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել հուլիսի 7-ին նշանակված գործի քննությունը
ՀՀ ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել…
Մոտակա ժամանակներում կփորձեմ ավելի հանգամանալից պարզաբանումներ տալ բոլոր հարցերի շուրջ. Ռոբերտ Քոչարյան
Երկրորդ նախագահը նշեց, որ իրեն լավ է զգում, հետևում է երկրի ներքին և արտաքին քաղաքական զարգացումներին...
Դատախազությունը վճռաբեկ բողոք է ներկայացրել Ռոբերտ Քոչարյանի խափանման միջոցի վերաբերյալ կայացված որոշման դեմ
Դատախազությունը վճռաբեկ բողոք է ներկայացրել ՀՀ երկրորդ նախագահ Ռոբերտ Քոչարյանի նկատմամբ Վերաքննիչ քրեական դատարանի՝ խափանման միջոց կալանքի…
Ռոբերտ Քոչարյանի փաստաբան. քաղաքական հետապնդում է իրականացվում
«Հնարավոր է, որ այդ ճանապարհին նրանք բախվել են ինչ-որ դատավորի սկզբունքայնության հետ»,-նշեց Հովհաննես Խուդոյանը...
Քոչարյանի եւ մյուսների գործով դատավարությանը հեռավորության պահպանման պահանջն անտեսվում է․ փաստաբան
Արամ Վարդեւանյանն ընդգծեց, որ դա հատկապես անընդունելի է, քանի որ նիստի մասնակիցների թվում կան ռիսկային խմբին պատկանող մարդիկ․․․
Ինձ համար դժվար է գալ ամեն երեքշաբթի եւ ոչինչ չլսել. Յուրի Խաչատուրով
Հաջորդ նիստը կանցկացվի հուլիսի 7-ին ժամը 13:00-ին.... .