News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.09
Տեսնել լրահոսը

Դատավորը գործը վարում է անհասկանալի դատավարական կանոններով, քմահաճույքներով։ Այս մասին այսօր՝ հունիսի 18–ին Վերաքննիչ քրեական դատարանում հայտարարեց ՀՀ երկրորդ նախագահ Ռոբերտ Քոչարյանի պաշտպանական խմբի անդամ, փաստաբան Հայկ Ալումյանը։

Վերջինս հայտարարեց, որ առարկում է նախագահող դատավոր Արմեն Դանիելյանի գործողությունների դեմ, սակայն դատավորը թույլ չտվեց պաշտպանին հայտնել իր առարկությունը։

Դատավորը հայտարարեց, որ թույլ չի տա Ալումյանին՝ իր հետ զուգահեռ խոսել, ինչին ի պատասխան պաշտպանը բարկացած հայտարարեց.

«Չհամարձակվեք ինձ ընդհատել»։

 Լարվածությունը թուլացնելու նպատակով դատական նիստն ընդմիջվեց։

Ընդմիջումից հետո Հայկ Ալումյանը հայտարարեց, որ ինքնաբացարկներից այն կողմ գործի քննությունն առաջ չի գնացել։

Նշենք, որ Վերաքննիչ քրեական դատարանում ընթանում է Ռոբերտ Քոչարյանի եւ մյուսների գործով բողոքների քննությունը։

Գլխավոր դատախազությունը եւ տուժողների իրավահաջորդի ներկայացուցիչները բողոքարկել են մայիսի 18-ի՝ Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու եւ նույն դատարանի մայիսի 20֊ի՝ քրեական գործի վարույթը կասեցնելու եւ Սահմանադրական դատարան դիմելու որոշումը:

Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու համար: Քոչարյանի պաշտպանները պնդում են, որ նրա նկատմամբ քաղաքական հետապնդում է իրականացվում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԻԵԴ-ը Մեծ պալատ է ձեւավորել՝ Ռոբերտ Քոչարյանի գործով ՍԴ-ին խորհրդատվական կարծիք տալու համար
Մեծ պալատի նախագահը հրավիրել է Սահմանադրական դատարանի դատավարության կողմերին, մասնավորապես Ազգային ժողովին...
Դա անհեթեթություն է․ Լևոն Քոչարյանը՝ վիրահատությամբ դատը ձգձգելու շահարկումների մասին
Այսինքն՝ կան մարդիկ, ովքեր կարծում են, որ դատը ընդամենը մի քանի օրով հետաձգելու համար մարդ պատրաստ է վիրահատվե՞լ․․․․
Ի պաշտպանություն Ռոբերտ Քոչարյանի hայտարարությունը համալրվել է բազմաթիվ աջակիցներով
Հայաստանից, Արցախից եւ Սփյուռքից սոցիալական ցանցերի էջերում հայտարարությանը միացել է շուրջ 2300 մարդ…
Երկրորդ նախագահը պետք է ազատ արձակվի․ հայտարարություն
Սրընթաց ձևավորվում է մի մթնոլորը, երբ բոլորը հավասարաչափ դառնում են անպաշտպան՝ անօրինականությունների առաջ…
Ռոբերտ Քոչարյանը վիրահատությունից հետո իրեն լավ է զգում. Վիկտոր Սողոմոնյան
Ռոբերտ Քոչարյանի վիրահատությունը հաջող է անցել...
Ռոբերտ Քոչարյանին վիրահատել են «Իզմիրլյան» բժշկական կենտրոնում. Այն հաջող է անցել
Ավելի վաղ NEWS.am-ը հայտնել էր, որ երեկ՝ հոկտեմբերի 8-ի առավոտյան, Քոչարյանին հետազոտության նպատակով առավոտյան դարձյալ տեղափոխել էին «Իզմիրլյան» բժշկական կենտրոն...