Թուրքիայի իշխանությունները շարունակում են «վհուկների որսը»՝ օգտագործելով 2016 թվականի հուլիսի հեղաշրջման փորձը: Ինչպես գրում են թուրքական ԶԼՄ-ները, ձերբակալության օրդերներ են տվել իզմիրում եւ Կոնիայում 128 մարդու համար, որոնք ենթադրաբար կապ ունեն իսլամական քարոզիչ Ֆեթուլլահ Գյուլենի շարժման հետ: Կասկածյալների թվում 48 զինվոր կա:
Նշենք, որ Անկարան Գյուլենին մեղադրում է ռազմական հեղաշրջման փորձի կազմակերպման մեջ: Օգտագործելով 3 տարվա վաղեմության իրադարձությունները՝ Թուրքիայի իշխանությունները շարունակում են ձերբակալությունները: Այս պահին ձերբակալված է ավելի քան 50 հազար մարդ, ավելի քան 100 հազարը զրկվել է աշխատանքից:
