News
Լրահոս
News
Շաբաթ
Փետրվար 29
USD
478.6
EUR
528.57
RUB
7.09
ME-USD
0.04
Տեսնել լրահոսը


Վերաքննիչ քրեական դատարանում, դատավոր Արմեն Դանիելյանի նախագահությամբ շարունակվում է ՀՀ երկրորդ նախագահ Ռոբերտ Քոչարյանի եւ մյուսների գործով բողոքների քննությանը։ Ինչպես նախորդ, այնպես էլ այս դատական նիստին ներկա չէ Ռոբերտ Քոչարյանը։ Նրա պաշտպան Հովհաննես Խուդոյանը տեղեկացրեց, որ Քոչարյանը նպատակահարմար չի գտնում մասնակցելու դատավարությանը։

Գլխավոր դատախազությունը եւ տուժողները բողոքարկել են մայիսի 18-ի՝ Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու եւ նույն դատարանի մայիսի 20֊ի՝ քրեական գործի վարույթը կասեցնելու եւ Սահմանադրական դատարան դիմելու որոշումը:

Նրանք պահանջում են՝ վերացնել Ռոբերտ Քոչարյանի նկատմամբ ընտրված անձնական երաշխավորություն ընտրելու վերաբերյալ որոշումը եւ նրա նկատմամբ, որպես խափանման միջոց կիրառել կալանավորումը։

Ներկայացված բողոքների վերաբերյալ 4 առարկություն է ներկայացրել Ռոբերտ Քոչարյանի պաշտպան Հայկ Ալումյանը։

 Մասնավորապես Ալումյանն առարկել է ՍԴ դիմելու եւ գործի վարույթը կասեցնելու մասին դատարանի մայիսի 20–ի որոշման դեմ տուժողների իրավահաջորդի ներկայացուցչի վերաքննիչ բողոքը վարույթ ընդունելու դեմ։

Փաստաբանը խնդրել է առաջին ատյանի դատարանի մայիսի 20–ի որոշման դեմ դատախազության, ինչպես նաեւ տուժողների իրավահաջորդների ներկայացուցիչներ Վահե Գրիգորյանի եւ Սեդա Սաֆարյանի ներկայացրած վերաքննիչ բողոքները թողնել առանց քննության։

Հիշեցնենք, որ Երեւանի ընդհանուր իրավասության դատարանի դատավոր Դավիթ Գրիգորյանը մայիսի 18-ին, քննելով Քոչարյանի խափանման միջոցի հարցը, որոշել էր նրան ազատել կալանքից Արցախի Հանրապետության նախկին եւ ներկա նախագահներ Արկադի Ղուկասյանի եւ Բակո Սահակյանի անձնական երաշխավորությամբ:

Երկու օր անց՝ մայիսի 20-ին, դատարանը որոշել էր կասեցնել Ռոբերտ Քոչարյանի, Յուրի Խաչատուրովի, Սեյրան Օհանյանի եւ Արմեն Գեւորգյանի գործի վարույթն ու այն ուղարկել Սահմանադրական դատարան` պարզելու համար այս գործով կիրառման ենթակա ՀՀ քրեական օրենսգրքի 300.1-րդ հոդվածի 1-ին մասի եւ դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի (մինչեւ 2009 թվականի մարտի 20-ին ընդունված ՀՕ-53-Ն օրենքի ուժի մեջ գտնվելը գործող խմբագրությամբ) համապատասխանությունը ՀՀ Սահմանադրության պահանջներին: ՍԴ–ն էլ օրերս որոշում է կայացրել մեկ ամսով երկարաձգել է Քոչարյանի եւ մյուսների գործով դատավորի դիմումն ուսումնասիրելու ժամկետը։

Տպել
Կարդացեք նաև
Ամբողջը
«Առավոտ». Փաշինյանից դժգոհությունն այն է, որ «թշնամիների» հետ մեղմ է վարվում. ի՞նչ դատարան, պատի տակ գնդակահարել և վերջ
Հնարավո՞ր է առանց «ազգի թշնամիների»...
«Փաստ». Արսեն Թորոսյանը «ՁԻԱՀ-ի կենտրոնի» տնօրեն է նշանակել Հարկայինի նախկին օպերին
Նա որեւէ կապ չունի առողջապահական համակարգի հետ...
Մարտի 1-ին՝ ժամը 18.00-ին, Ազատության հրապարակից շարժվում ենք երթով․ Փաշինյանը տեսանյութ է հրապարակել
Նա նաեւ ներկայացրել է տեսանյութ 2008-ի մարտի 1-ի զոհերի հուշարձանի մասին...
«Ժողովուրդ». «Ոչ»-ի կողմնակիցները հայտնվել են ծանր դրության առջեւ
Այս օրերին «Ոչ»-ի կողմնակիցներն ամեն ինչ անում են, որպեսզի բոլոր տեղամասերում...
«Ժողովուրդ». 12 տարի անց. Մարտի 1-ի գլխավոր հարցերը մնում են անպատասխան. Ովքե՞ր են սպանել 10 խաղաղ ցուցարարներին
Այսինքն՝ մեղադրանք առաջադրեցին, սակայն չկարողացան ապացուցել…
«Ժողովուրդ». Ֆլեշի Բարսեղին դատի են տվել. այս անգամ հայցվորը Երեւան համայնքն է
Դատական հայց՝ ՀՀ երրորդ նախագահ Սերժ Սարգսյանի մտերիմ գործարար Բարսեղ Բեգլարյանի դեմ...