Ինչ որ պետք ա, պատասխանած ա. ոչ թե ԱԺ ծանուցագիր են ուղարկել, նոր ենք պատասխանել, այլ հենց առաջին անգամ ուղարկել էին, այդ հարցի պատասխանը փակ է: Այս մասին, այսօր՝ հունիսի 19-ին, ԱԺ-ում լրագրողների հետ զրույցում նշեց ԲՀԿ խմբակցության ղեկավար Գագիկ Ծառուկյանն՝ անդրադառնալով ՀՔԾ ծանուցածիր ստանալուց հետո չներկայանալուն:
Ծառուկյանին հունից հանեց հարցը, թե մտավախություն չունի՞, որ իրեն բերման կենթարկեն. «Դատարկ-դատարկ խոսում ես, մտածի ինչ ես ասում: Մամլո խոսնակն իրավունք չունի քննիչի տեղը խոսելու, ինչ պետք է մենք պատասխանել ենք»:
Դիտարկմանը, թե օրենքին ենթարկվելը դատարկ խոսակցությո՞ւն է, Ծառուկյանն արձագանքեց. «Հենց դու քո ցեղով գնա օրենքին ենթարկվի: Ծառուկյանը կետ առ կետ ամեն ինչ կատարում է: Դուք ավելի լավ է գնացեք գործը բացահայտեք, Ծառուկյանը դրա հետ ոչ մի կապ չունի:
Մենք այդ հարցը փակել ենք, սաղ երկրի խնդիրը մի կաթիլ մեղն է եղել: Ծառուկյանը դրա հետ կապ չունի, Ծառուկյանն իր կարծիքն է ասել: Ի՞նչ եք ազգի բոլոլա սարքել, մի կաթիլ մեղր սարքել:
Ծառուկյանն ասում է՝ հարգում եմ օրենքը, բոլորը պարտավոր են օրենքի առաջ, Ծառուկյանի օբյեկտները առավոտից իրիկուն ստուգում են: Եթե դրա կարիքը լիներ, որ Ծառուկյանի անհրաժեշտությունը լիներ, մի հազար հոգի ուղարկել էին, Ծառուկյանին տարել էին: Ինքստինքյան շոու է սարքած, Ծառուկյանն ի՞նչ կապ ունի: Ես այսօր էլ եմ ասում, որ սարքած է, դա իմ կարծիքն է: Եթե դա չբացահայտվեց, դա սարքած գործ է: Ուզեցել են ստվեր գցեն ընտրությունների վրա: Ոնց կարար ես պետք լինեի ու չգնայի»:
Հիշեցնենք, որ Աբովյանի քաղաքապետի ընտրությունների նախորդ օրը հրկիզել էին «Քաղաքացիական պայմանագրի» քաղաքապետի թեկնածուի նախընտրական շտաբի ղեկավարի մեքենան և տան դուռը։ Հրկիզման դեպքի առթիվ քրեական գործ է հարուցվել՝ գույքը դիտավորությամբ ոչնչացնելու կամ վնասելու հոդվածով։ Լրագրողների հետ զրույցում էլ ԲՀԿ ղեկավար Գագիկ Ծառուկյանը ասել էր. «Դա շինծու, սարքած գործ էր։ Վարչապետը պետք է պարտադրի, որպեսզի այդ գործը բացահայտվի»։
Նշենք, որ ԲՀԿ առաջնորդ Գագիկ Ծառուկյանը առաջին անգամ Քննչական կոմիտե ծանուցագիրը ստանալուց հետո այն պատռել էր: Նրան երկրորդ անգամ են ծանցում ուղարկել ՔԿ-ից:
