News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Երեւան քաղաքի ընդհանուր իրավասության դատարանի՝ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու և նրա նկատմամբ, որպես խափանման միջոց անձնական երաշխավորություն ընտրելու մայիսի 18–ի որոշումը կայացնելով դատարանը թույլ է տվել դատական սխալ՝ դատավարական իրավունքի այնպիսի խախտումներ, որն ազդել է գործի ելքի վրա։ Այս մասին այսօր՝ հունիսի 19–ին Վերաքննիչ քրեկան դատարանում Քոչարյանի և մյուսների գործով բողոքների քննությանը հայտարարեց գործով մեղադրող դատախազ Պետրոս Պետրոսյանը։

Դատախազի խոսքով, թեև դատարանը կասկածի տակ չի դրել գործով ձեռք բերված փաստական տվյալներով Քոչարյանին ՀՀ ՔՕ 300.1 հոդվածի 1–ին մասով մեղսագրված արարքների կատարմանը նրա առնչության հիմնավոր կասկածը, սակայն ըստ նրա՝ անհասկանալիորեն, առանց պատճառաբանության դատավոր Դավիթ Գրիգորյանը միտք է արտահայտնել այն մասին, թե  իբր առկա են որոշակի կասկածներ Քոչարյանին վերագրված այդ արարքի սահմանադրականության հարցը հետագայում ստուգելու առումով։

«Դատարանի նման հետևությունը չի համապատասխանում դատական ակտի պատճառաբանության չափանիշին, քանի որ 300.1 հոդվածի 1–ին մասի սահմանադրականության հետ կապված որևէ փաստարկ դատարանի կողմից չի բերվել, բացի այդ, գործով ձեռք բերված փաստական տվյալներով դատարանն այլևս չէր կարող կասկածներ հարուցել այդ հոդվածի սահմանադրականության հետ կապված, քանի որ այդ կերպ դատարանը հիմնավոր կասկածի գնահատման տիրույթում կիրառել է 300.1 հոդվածը»,–ասաց նա։

Դատախազը մանրամասնորեն վերլուծելով առաջին ատյանի դատարանի որոշման պատճառաբանական մասն, արձանագրեց, որ Ռոբերտ Քոչարյանի նկատմամբ չպետք է նման խափանման միջոց ընտրվեր։

«Քրեական վարույթից թաքնվելու և գործով անցնող անձանց նկատմամբ անօրինական ազդեցություն գործադրելու միջոցով արդարադատության իրականացմանը խոչընդոտելու բարձր ռիսկերի առկայության պայմաններում, մեղադրյալ Քոչարյանի նկատմամբ ազատության հետ չկապված որևէ խափանման միջոց, այդ թվում անձնական երաշխավորությունը գործուն երաշխիք համարվել չեն կարող»,–հայտարարեց նա։

Դատական ակտն ըստ դատախազի՝ օրինականան, պատճառաբանված և հիմնավոր չէ, դատարանը թույլ է տվել դատական սխալ, դատավարական իրավունքի այնպիսի խախտում, որն ազդել է գործի ելքի վրա։

Այսպիսով դատախազը խնդրեց դատարանին՝  Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու մայիսի 18–ի որոշումն ամբողջությամբ բեկանել, կայացնել նոր դատական ակտ՝ Ռոբերտ Քոչարյանի նկատմամբ, որպես խափանման միջոց կիրառելով կալանավորումը։

Մեղադրող դատախազ Կարեն Բիշարյանն էլ միջնորդեց ամբողջությամբ բեկանել Քոչարյանի և մյուսների գործի վարույթը կասեցնելու և գործը ՍԴ ուղարկելու մայիսի 20–ի որոշումը և կայացնել նոր դատական ակտ։

Հիշեցնենք, որ Երեւանի ընդհանուր իրավասության դատարանի դատավոր Դավիթ Գրիգորյանը մայիսի 18-ին, քննելով Քոչարյանի խափանման միջոցի հարցը, որոշել էր նրան ազատել կալանքից Արցախի Հանրապետության նախկին եւ ներկա նախագահներ Արկադի Ղուկասյանի եւ Բակո Սահակյանի անձնական երաշխավորությամբ:

Երկու օր անց՝ մայիսի 20-ին, դատարանը որոշել էր կասեցնել Ռոբերտ Քոչարյանի, Յուրի Խաչատուրովի, Սեյրան Օհանյանի եւ Արմեն Գեւորգյանի գործի վարույթն ու այն ուղարկել Սահմանադրական դատարան` պարզելու համար այս գործով կիրառման ենթակա ՀՀ քրեական օրենսգրքի 300.1-րդ հոդվածի 1-ին մասի եւ դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի (մինչեւ 2009 թվականի մարտի 20-ին ընդունված ՀՕ-53-Ն օրենքի ուժի մեջ գտնվելը գործող խմբագրությամբ) համապատասխանությունը ՀՀ Սահմանադրության պահանջներին: ՍԴ–ն էլ օրերս որոշում է կայացրել մեկ ամսով երկարաձգել է Քոչարյանի եւ մյուսների գործով դատավորի դիմումն ուսումնասիրելու ժամկետը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արամ Վարդեւանյանը պահանջում է կարգապահական պատասխանատվության ենթարկել դատավոր Մհեր Արղամանյանին
Վարդեւանյանը միջնորդություն կներկայացնի ՀՀ արդարադատության նախարարին և Դատավորների ընդհանուր ժողովի կարգապահական հանձնաժողովին...
ՍԴ-ն մերժել է քննել Վճռաբեկի կողմից Ռոբերտ Քոչարյանի կալանքի որոշումը չքննելու հարցով դիմումը
ՀՀ երկրորդ նախագահ Ռոբերտ Քոչարյանի փաստաբանական թիմը դիմել էր Սահմանադրական դատարան ...
ՍԴ մեկ այլ դիմում վերջերս ևս ներկայացվել է, որը վերաբերում է ոլորտի կատարելագործման հնարավորությանը․ Արամ Վարդևանյան
Ներկայումս մեր երկու դիմումները քրեական օրենսգրքի 300.1-րդ հոդվածի վերաբերյալ, որոնք վարույթ էին ընդունվել...
Ես ծանոթ չեմ մի փորձի, որը ՄԻԵԴ-ի խորհրդատվական կարծիքներին վերաբերվի որպես զուտ խորհրդատվական կարծիքի. Վարդեւանյան
Փաստորեն, իրավական որոշակիության, կայունության, հետադարձ ուժի արգելքի, նման տեսակ հարցերը, որոնք կոնվենցիոնալ երաշխիքներ…
Ռոբերտ Քոչարյանի եւ մյուսների գործով նիստը կշարունակվի նոյեմբերի 5–ին
Ռոբերտ Քոչարյանի եւ մյուսների գործով այսօրվա դատական նիստը հետաձգվեց...
Կամ միջոցներ կձեռնարկեք, որ սենց բաներ դուրս չտան, կամ նույն բառերը ասելու եմ ձեր վերադասի հասցեին. Ալումյան
Այդ ինստիտուտը, որ ներպետական դատարանները խորհրդատվական կարծիքի համար դիմում են Եվրոպական դատարանին, նոր ինստիտուտ է, եւ որքան գիտեմ…
Ամենաշատ