News
Լրահոս
News
Ուրբաթ
Հուլիս 19
USD
476.41
EUR
535.1
RUB
7.57
ME-USD
0.18
Տեսնել լրահոսը

Տարածաշրջանի երկրների պատմության ադրբեջանական տարբերակն իրականությանը չի համապատասպանում եւ այդ նպատակով Բաքուն հսկայական գումարներ է ծախսում:

Հունիսի 19-ին ԱԺ նիստին այս մասին հայտարարեց Տարածքային կառավարման եւ ենթակառուցվածքների նախարար Սուրեն Պապիկյանը՝ պատասխանելով «Լուսավոր Հայաստան» կուսակցությունից պատգամավոր Աննա Կոստանյանի հարցին: Պատգամավորը մասնավորապես նշեց, որ Ադրբեջանը, բացի ռազմական բյուջեի համար ծախսած մեծ գումարներից, նաեւ մեծ գումարներ է ծախսում պատմության խեղաթյուրման համար:

«Արդեն հայտարարություններ են արվում այն մասին, որ Երեւանը եւ անգամ Թբիլիսին հնուց Արդբեջանի պատմական տարածքներն են եղել եւ գրավվել են օտարերկրացիների կողմից:

Ի՞նչ է անում Հայաստանի կառավարությունը  հայկական մշակութային ժառանգության պահպանման համար», - հետաքրքվեց Կոստանյանը: Ի պատասխան, Պապիկյանն ասաց, որ  Բաքվի գործողություններին արձագանքելու համար Հայաստանի իշխանությունները չպետք է  հատկացնեն  եւ լրացուցիչ միջոցներ ծախսեն, քանի որ դրա անհրաժեշտությունը չկա:

 «Պատմությունը եւ տարածքն ինքնին ապացուցում են, որ դրանք բոլորը մեր պատմական հողերն են, մեր պատմական հայրենիքը:

Մենք միայն խնդիր ունենք աշխարհի ռուսալեզու հատվածին մեր տեսակետը ներկայացնելու հետ: Մեր քարոզչությունը չի զիջում ադրբեջանականին, քանի որ մեր դիրքերը ուժեղ են: Բայց, այնուամենայնիվ, այո, մեր առջեւ լրացուցիչ խնդիր կա՝ տարածել մեր դիրքորոշումը», -ասաց նախարարը:

Պապիկյանի խոսքով՝ հայկական կողմը իր սեփականությունը պատշաճ ներկայացնելու խնդիր ունի:

!
Այս նյութը հասանելի է նաև   English and Русский
Տպել
Ամենաշատ