Իտալիայի հյուսիսում գտնվող Լոմբարդիայի իշխանությունները մինիհյուրանոցներին պարտավորեցրել են կից ֆերմաների գործելու դեպքում կենվորներին կերակրելու համար մթերքների 80 տոկոսը գնել այս շրջանում արտադրված մթերքներից, հայտնում է «Եվրապուլսը»:
Կենվորների գործածած մթերքների մեկ երրորդը պետք է աճեցվի այն ֆերմայում, որտեղ գտնվում է մինիհյուրանոցը: Նախաճաշին նման սնունդի բաժինը 40 տոկոսից քիչ չի կարող լինել: Հյուրերին առաջարկվող գինին պետք է արտադրված լինի տեղական գինեգործների կողմից, ձուկը որսվի երկրի նույն հատվածից:
Լոմբարդիան ագրոտուրիստական օբյեկտների թվով իտալական նահանգների շարքում երրորդ տեղն է գրավում՝ Տոսկանայից եւ Տրենտինո-Ալտո-Ադիջայից հետո:
Երկրամասը հռչակված է իր պանրով, ռիզոտոյով, մսից նրբահամ ուտեստներով եւ եգիպտացորենի ալյուրից պատրաստվող ավանդական ճաշատեսակ պոլենտայով:
