Իսպանիայում յոթ թոռան տեր տատիկը՝ Էբի Ռոբերտսը, պատմել է վեբկամ-մոդելի աշխատանքի մասին։ Նա իր փորձի մասին պատմել է Sex Business («Սեքս բիզնես») հաղորդման մեջ, որը ցուցադրել է բրիտանական Channel 5 հեռուստաալիքը, տեղեկացնում է Լենտա.Ռու-ն։

58-ամյա կնոջ խոսքով՝ նա այդկերպ ապահովում է իրեն եւ ամուսնուն, որը չի կարող աշխատել առողջական վիճակի պատճառով։ Ռոբերտսն աշխատում է վեբկամ-մոդել շաբաթը վեց կամ յոթ օր։ Ամիսը մի քանի անգամ նա մասնակցում է պոռնոֆիլմերի նկարահանումներում, որոնք կատարվում են նրա տանը։

Կնոջ ամուսինը ցավում է, որ կինը ստիպված է այդքան շատ աշխատել, բայց ասում է, որ դեմ չէ նրա գործունեության տեսակին, քանի որ դա եկամուտների միակ աղբյուրն է։

Ռոբերտսը խոստովանում է, որ վայելում է այն, ինչով զբաղվում է եւ չի ամաչում իր մարմնից։ «Ես երբեք չեմ ձգտել «Բարբի» տիկնիկի նմանվող մոդել դառնալ։ Իմ շատ հաճախորդներ, մանավանդ երիտասարդները, սիրում են ինձ նրա համար, որ ես մեծ եմ»,- ասում է նա։

Կինը նաեւ չի վախենում, որ թոռները կիմանան իր պոռնո-կարիերայի մասին։ Նրա կարծիքով՝ սեքսը կյանքի անբաժանելի մասն է, եւ չարժե թաքցնել այն։