Մինչեւ հեղափոխությունը մեծագույն ակնածանք եմ ունեցել Զարուհի Բաթոյանի նկատմամբ. հիմա նա ասում է՝ պետք չէ մեզ համոզել, որ ժողովրդի վիճակը վատ է, որովհետեւ մենք ժողովրդի կառավարությունն ենք: Այս մասին, այսօր՝ հունիսի 20-ին, ԱԺ-ում խորհրդարանում 2018թ. բյուջեի կատարողականի հաշվետվության ժամանակ հայտարարեց ԱԺ «Բարգավաճ Հայաստան» խմբակցության անդամ Սերգեյ Բագրատյանը:
«Այ քեզ բան, տիկին Բաթոյան, բոլորից կսպասեի նման արտահայտություն, բացի ձեզնից: Մի անգամ Հայկ Սարգսյանն ասաց՝ ժողովրդի կառավարության վրա մի գոռացեք: Կարծես՝ մնացածներս թուրքի բաշիբոզուկներ ենք, դուք էլ ժողովրդի կառավարություն ե՞ք: Մենք բոլորս էլ ժողովրդի կառավարություն ենք, ծառայում ենք ժողովրդին, եւ եթե ասում ենք՝ ժողովրդի վիճակը վատ է, դա չի նշանակում, որ պետք է հակադարձենք այս արտահայտությամբ:
Դա այն դեպքում՝, որ դուք կարողացել եք հարց լուծել, որ ես հիացել եմ: Մի ընտանիքի համար այնպիսի հոգս եք վերցրել, որ ես ուզում էի անընդհատ գլուխ գովալ, որ մենք այսպիսի նախարար ունենք»,-ընդգծեց ԲՀԿ-ական պատգամավորը: