Ինձ մոտ տպավորություն է եւ կարծիք, որ արագ բարեփոխումները չհաջողված բարեփոխումներ են նշանակում:
Հունիսի 20-ին Ազգային ժողովի նիստում 2018 թվականի պետական բյուջեի կատարողականի հաշվետվության քննարկման ժամանակ մեկնաբանելով կառավարության գործունեության վերաբերյալ քննադատությունն այս մասին ասաց վարչապետ Նիկոլ Փաշինյանը:
Նրա խոսքով՝ 1990-ականների սկզբին, լինելով լրագրող, նա հնարավորություն ուներ հետեւել, թե ինչպես են ամենափայլուն ռազմավարական բարեփոխումները փաստացի ձախողվում, քանի որ հեղինակները ցանկանում էին որքան հնարավոր է շուտ դրանք կյանքի կոչել:
«Մինչ օրս Հայաստանը տառապում է այդ բարեփոխումների վատագույն հետեւանքներից, որոնք այդպես էլ մինչեւ վերջ չիրականացվեցին: Շատ կարեւոր է չշտապել որեւէ բան անել», - ասաց Փաշինյանը:
Այդ համատեքստում նա մատնանշեց դատական բարեփոխման կարեւորությունը եւ նկատեց, որ անհնար է իսկապես անկախ դատական համակարգ ունենալ առանց դատավորների աշխատավարձը 5-6 անգամ բաձրացնելու:
