Իրանի ԱԳՆ մամուլի քարտուղար Աբաս Մուսավին հինգշաբթի հրապարակված հայտարարությունում դատապարտել է ԱՄՆ ռազմական դրոնի ներխուժումն Իրանի օդային տարածք, տեղեկացնում է Tasnim-ը։
Իր հայտարարությունում Մուսավին բողոք է հայտնել ընդդեմ «ագրեսիվ եւ սադրիչ քայլի իր երկրի օդային տարածքի խախտման առնչությամբ»։
Իրանի արտաքին քաղաքական գերատեսչության մամուլի քարտուղարն ընդգծել է, որ Իրանի սահմանը խախտելու պատասխանատվությունն ընկնում է ներխուժումն իրականացրած կողմի վրա։
Ավելի վաղ ԻՀՊԿ հրամանատարությունը տեղեկացրել էր ամերիկյան անօդաչու սարքի մասին, որը խփվել էր Իրանի օդային տարածքում։ Ընդ որում՝ ԱՄՆ-ը պնդում է, որ դրոնը գտնվել է միջազգային օդային տարածքում։
Դրանից հետո ԻՀՊԿ հրամանատար Հուսեյն Սալամին ասել է, որ Իրանի սահմանը խախտած թշնամին կոչնչացվի։
