News
Լրահոս
News
Երեքշաբթի
Օգոստոս 20
USD
475.91
EUR
528.16
RUB
7.12
ME-USD
0.15
Տեսնել լրահոսը

Կառավարությունն իր այսօրվա՝ հունիսի 20-ի նիստում պետք է կառավարության պահուստային ֆոնդի հաշվին արդարադատության նախարարության քրեակատարողական ծառայությանը հատկացներ 185 մլն դրամ, սակայն հարցն օրակարգից հանվեց:

Այդ գումարը պետք է հատկացվեր Արդարադատության նախարարության քրեակատարողական հիմնարկների շենքերի եւ շինությունների շինարարության եւ կապիտալ վերանորոգման աշխատանքների իրականացման նպատակով:

Նախագիծը ներկայացրեց նորանշանակ նախարար Ռուստամ Բադասյանը՝ նշելով, որ նախքան նախագծի քննարկումը ճիշտ կլինի խոսքը տալ ՊՎԾ ղեկավարի պաշտոնակատարին, քանի որ այստեղ չարաշահումներ են հայտնաբերվել:

ՊՎԾ ղեկավարի պաշտոնակատար Արգիշտի Քյարամյանը նշեց, որ քրեակատարողական ծառայությունում իրենց ուսումնասիրությունների արդյունքում հայտնաբերվել է, որ ՔԿՀ-ներում նորոգումներն իրականացվել են խախտումներով, նաեւ խախտումներ են հայտնաբերվել պայմանագրային պարտավորությունների դրույթների կատարման մեջ. «Պարզվել է, որ կառուցապատողները ոչ բավարար որակի եւ ոչ ժամանակին ծառայություն են մատուցել: ՊՎԾ կազմած տեղեկանքն ուղարկվել է գլխավոր դատախազություն»,-ասաց Քյարամյանը՝ հավելելով, որ հիմա կառավարությունը քննարկում է ՔԿԾ-ին գումար հատկացնելու հարցը, որն ուղղվելու է այն աշխատանքների կատարմանը, որոնք արդեն պետք է կատարված լինեին:

Քյարամյանն առաջարկեց հետաձգել հարցի քննարկումը, որպեսզի նախ պարզեն, թե ինչու աշխատանքները պատշաճ չեն կատարվել, նոր միայն ընդունել նոր որոշում:

Նիկոլ Փաշինյանը համաձայնեց, որ հարցը պետք է հանել օրակարգից. «Նախագծի ծագումնաբանությանը ծանոթացեք եւ եզրակացություններ արեք»,-ասաց նա:

Նշենք, որ այս որոշման ընդունումը պայմանավորված է ՔԿՀ-ներում պահվող դատապարտյալների եւ կալանավորված անձանց բնակության կոմունալ-կենցաղային պայմանների բարելավմամբ, մասնավորապես`  «Նուբարաշեն» ՔԿ հիմնարկի արտաքին եւ ներքին ջրահեռացման ցանցերի, էլեկտրալուսավորության ցանցի եւ ճաշարանի կապիտալ  վերակառուցման, «Դատապարտյալների հիվանդանոց», «Աբովյան», «Կոշ», «Հրազդան» ՔԿ հիմնարկներում արտաքին եւ ներքին ջրամատակարարման եւ ջրահեռացման ցանցերի կառուցման եւ կապիտալ վերանորոգման, «Վարդաշեն»  ՔԿ հիմնարկի արտաքին կոյուղու ցանցի եւ արտաքին պատի կառուցման, «Սեվան» ՔԿ հիմնարկի արտաքին ջրահեռացման ցանցի կառուցմամբ:

Որոշման հիմնավորման մեջ նշվում է, որ ՀՀ պետական բյուջեից քրեակատարողական համակարգի պահպանման համար վերջին 10 տարիների ընթացքում կառուցման եւ կապիտալ վերանորոգման նպատակով հատկացվող միջոցների բացակայության պատճառով` նշված ՔԿ հիմնարկներում ջրամատակարարման եւ ջրահեռացման ցանցերում վերանորոգման աշխատանքներ չեն իրականացվել, կոյուղագծերը գտնվում են վթարային վիճակում եւ ամռան ամիսներին վթարվելու դեպքում կարող են հակասանիտարական եւ համաճարակային իրադրություններ առաջացնել:

Այս նպատակի համար ՔԿ ծառայությունը 2018 թվականի ընթացքում ձեռնարկած մի շարք ծրագրերի միջոցով սկսել է նշված խնդիրների լուծման գործընթաց:

Հրատապ վերանորոգման կարիք ունի «Վարդաշեն» քրեակատարողական հիմնարկի արտաքին ջրահեռացման համակարգը, քանդված են «Նուբարաշեն» ՔԿ հիմնարկի դիտահորերը, խալխլված կոյուղաշարից կոյուղաջրերը արտահոսում եւ ստեղծում հակասանիտարական վիճակ:

«Նուբարաշեն» քրեակատարողական հիմնարկի Էլեկտրատրանսֆորմատորային ենթակայանի տեղափոխման եւ վերանորոգման, ինչպես նաեւ բազմակի անգամ վերանորոգված, հնամաշ արտաքին եւ ներքին մալուխները նորերով փոխարինումը նույնպես հրատապ խնդիր է: Վերջինս կնվազեցնի էլեկտրահամակարգի կորուստները եւ կապահովի հաճախակի դարձած վթարային իրավիճակների կանխումը:

Այս որոշման ընդունումը թույլ կտա էականորեն բարելավել Հայաստանի Հանրապետության արդարադատության նախարարության «Նուբարաշեն», «Վարդաշեն», «Սեւան», «Դատապարտյալների հիվանդանոց», «Աբովյան», «Կոշ», «Հրազդան» քրեակատարողական հիմնարկներում պահվող դատապարտյալների եւ կալանավորված անձանց բնակության կոմունալ-կենցաղային պայմանները եւ  կատարել ստանձնած պարտավորությունները:

Տպել
Կարդացեք նաև
Ամբողջը
64-ամյա կինը խոստովանել է, որ ինքն է խանութի հաճախորդի պայուսակից դրամապանակ գողացել
Անձնական խուզարկությամբ նրա մոտ հայտնաբերվել է նշված դրամապանակը՝ ողջ պարունակությամբ...
Ողբերգական վրաերթ Երևան-Սևան ճանապարհին․ հետիոտնը տեղում մահացել է
Ոստիկանությունն ու քննչական բաժինը պարզում են մահացածի ինքնությունը․․․․
Ինտերպոլը Լեհաստանում առանձնապես վտանգավոր ռուսաստանցու է ձերբակալել
Կինը մեղադրվում է 13 տարբեր հանցագործությունների իրականացման մեջ...
ՍՊԸ պահեստից գողացել են մթերք ու տնտեսական ապրանքներ. Պարզվել է՝ հեղինակները բանվորն ու վարորդն են
Ձեռնարկվում են միջոցառումներ մնացած գողոնը հայտնաբերելու ուղղությամբ...
Ոստիկանները բերման են ենթարկել հոսանքով ձուկ բռնողներին
Նրանց մոտ հայտնաբերվել են մարտկոց, ձկնորսական ցանց, ռետինե երկարաճիտ կոշիկներ, ինքնաշեն հոսանքափոփոխիչ եւ 130 կարմրախայտ...
Ննջասենյակի ներքնակի միջից գողացել են 4 հազար դոլար. պարզվել է՝ գողությունը կատարել է տանտիրոջ 21-ամյա դուստրը
Ոստիկանության Արարատի մարզային վարչության եւ Արտաշատի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ...
Ֆոտոռեպորտաժներ