Եմենի հետ պատերազմում ներգրավված Սաուդյան Արաբիային բրիտանական կառավարության կողմից զենքի վաճառքի դեմ հանդես եկող արշավի մասնակիցները, շահել են հայցը, հաղորդում է BBC News-ը:
Սպառազինությունների վաճառքի դեմ արշավը բողոքարկել էր Ռիադին զենքով ապահովելու որոշումը` այն անօրինական համարելով:
Դիմումի մեջ նշվում է ռիսկի մասին, որը պարունակում է Սաուդյան Արաբիային սպառազինությունների վաճառքը եւ որը կարող է դրանք օգտագործել հումանիտար նորմերի լուրջ խախտումների համար:
Դատարանը հայտարարել է սպառազինությունների վաճառքի լիցենզիաների վերանայման անհրաժեշտության մասին, սակայն զենքի վաճառքի անպահաղ կասեցման մասին որոշում չի հրապարակել:
Բրիատանիայի միջազգային առեւտրի նախարար Լիամ Ֆոքսը հայտարարել է, որ կառավարությունն այլեւս հավանություն չի տա Սաուդյան Արաբիա եւ նրա գործընկերներին արտահանման նոր լիցենզիաներին մինչեւ որ չքննի կայացված վճռի հետեւանքները:
Ընդ որում Բրիտանիայի վարչապետի մամուլի ծառայությանը հայտնել են, որ կառավարությունը հիասթափված է նման որոշումից եւ կբողոքարկի այն:
