News
Լրահոս
News
Երեքշաբթի
Հուլիս 23
USD
476.13
EUR
532.17
RUB
7.54
ME-USD
0.16
Տեսնել լրահոսը

Ամերիաբանկը եւ Զանգի ընկերությունը հանդես են գալիս նոր առաջարկով, որի մասին հայտարարեցին համատեղ հրավիրված մամուլի ասուլիսի ժամանակ:

Այսուհետ  Zangi մեսենջերի միջոցով հաճախորդները կարող են անվճար զանգահարել Ամերիաբանկ` աշխարհի ցանկացած կետից, անկախ բջջային օպերատորներից եւ ռոումինգի առկայությունից՝ ընդամենն ունենալով հասանելիություն ինտերնետին: Ծառայությունից օգտվելու համար անհրաժեշտ է  պարզապես ներբեռնել Zangi մեսենջերը եւ ակտիվացնել ծառայությունը` դիմելով Ամերիաբանկ նախընտրելի կապի միջոցով` զանգահարելով Բանկի Կոնտակտային կենտրոն կամ  ուղարկելով հաղորդագրություն Բանկի պաշտոնական ֆեյսբուքի էջին կամ www.ameriabank.am կայքի Live Chat-ին: Ակտիվացնելով ծառայությունը` հնարավոր կլինի Zangi մեսենջերով զանգահարել Ամերիաբանկ 4521 կարճ համարով եւ հետեւել ինքնապատասխանիչի քայլերին:

 Ամերիաբանկի Տեղեկատվական տեխնոլոգիաների ծառայության ղեկավար Շավարշ Ոսկանյանը նշում է. «Մենք պարբերաբար բարելավում եւ հաճախորդամետ ենք դարձնում Բանկի կողմից մատուցվող ծառայությունները եւ կարծում ենք, մանավանդ արձակուրդային  շրջանում, Զանգիով Ամերիաբանկ անվճար զանգահարելու այս նորամուծությունը հնարավորություն կտա ՀՀ տարածքից դուրս գտնվող մեր հաճախորդներին հեշտությամբ կապ հաստատել Բանկի կոնտակտային կենտրոնի հետ եւ արագ ստանալ իրենց հուզող հարցերի պատասխանները կամ կատարել գործարքներ Հեռախոսային բանկինգ ծառայության շրջանակներում»:

Ըստ Զանգի ընկերության գլխավոր տնօրեն Վահրամ Մարտիրոսյանի` Զանգի ընկերությունն ունի կարեւոր մրցակցային առավելություններ. «Բանկի հաճախորդների համար, թերեւս, ամենակարեւորը տվյալների անվտանգությունն է։ Zangi մեսենջերը անվտանգ է, քանի որ մենք օգտագործում ենք վերջին սերնդի պաշտպանության մի քանի համակարգ։ Առաջին հերթին, տվյալների տեղափոխման ժամանակ կիրառվում է end-to-end տեսակի կոդավորումը, իսկ ոչ մի հաղորդագրության պատմություն Zangi-ն սերվերներում չի պահպանում։ Zangi-ն հեշտ է ինտեգրվում ընկերությունների ներքին հեռախոսային համակարգերի հետ՝ ապահովելով ինչպես ելքային, այնպես էլ մուտքային զանգերը Զանգի մեսենջերից դեպի ներքին հեռախոսային համակարգի համարները եւ հակառակը։ Բացի այդ, մեր մեսենջերը աշխատում է շատ ցածր ինտերնետ հասանելության պայմաններում, մասնավորապես՝ 2G/EDGE ինտերնետում կամ ծանրաբեռնված Wi-Fi ցանցերում եւ խնայում է տրաֆիկ, օրինակ՝ 1MB ինտերնետով հնարավոր է մինչեւ 7 րոպե խոսել»:

Նշենք նաեւ, որ Բանկի Կոնտակտային կենտրոնը հասանելի է 24/7 ռեժիմով:

Տպել
Կարդացեք նաև
Ամբողջը
Արդշինբանկը ամփոփել է 2019 թ. երկրորդ եռամսյակի արդյունքները շահույթի աննախադեպ աճով
30.06.2019 թվականի դրությամբ Բանկի ակտիվները կազմել են 688 մլրդ ՀՀ դրամ, Բանկի վարկային պորտֆելը՝ 445 մլրդ ՀՀ դրամ, պարտավորությունները...
«Հայբիզնեսբանկը» համալրեց իր մասնաճյուղային ցանցը նորաբաց «Մասիվ» մասնաճյուղով
Մասնաճյուղի հանդիսավոր բացման արարողությանը հրավիրված էին պաշտոնատար անձինք Նոր-Նորք վարչական շրջանից, ՀՀ ԿԲ-ից, ինչպես նաև գործարար աշխարհի ներկայացուցիչներ...
Արդշինբանկի Խորհրդի կազմում տեղի են ունեցել փոփոխություններ
Դմիտրի Յուրիի Լադիկով-Ռոևը ունի հարուստ մասնագիտական փորձ ֆինանսական ոլորտում: Տարիների ընթացքում զբաղեցրել է բարձր ղեկավար պաշտոններ ՌԴ...
Արդշինբանկ. Խաղարկության արդյունքներն ամփոփվեցին
Խաղարկությունը ճանաչողական էր եւ հետաքրքիր: Խաղարկության մրցանակն էր 2-օրյա հանգիստ 2 անձի համար Արցախի բարձրակարգ Եվրոպա հյուրանոցում...
Ստորագրվել են դրամաշնորհային համաձայնագրեր Հայաստանի եւ Վերականգնման վարկերի բանկի միջեւ
Առաջին ֆինանսավորման համաձայնագրի շրջանակներում ֆինանսական օժանդակության միջոցները տրամադրվելու են շրջակա միջավայրի վրա եւ սոցիալական ազդեցության գնահատման…
ResponsAbility-ն իրականացնում է 175 մլն դոլարի ֆինանսավորման արժեթղթավորման գործարք` ներգրավելով JP Morgan-ին
ԱՄՆ Օտարերկրյա մասնավոր ներդրումների կորպորացիային որպես ներդրող եւ Ամերիաբանկին որպես ֆինանսական միջնորդ Հայաստանում...
Ամենաշատ