Կառավարությունը այսօր՝ հունիսի 20-ին հրավիրված նիստում որոշեց ոստիկանության աշխատողների աշխատավարձերի եւ հավելավճարների համար լրացուցիչ 76.07 մլն դրամ հատկացնել, որից ` առաջին կիսամյակում 25,356.8 հազար դրամ, ինն ամսում` 50,713.7 հազար դրամ։

Ըստ ներկայացված հիմնավորման գումարն անհրաժեշտ էր ոստիկանության կողմից պահպանության ենթակա պետական մարմինների շենքերի ու շինությունների ցանկում լրացված նոր շենքերի պահպանությունն ապահովելու նպատակով։ Միջոցները հատկացվելու են ՀՀ կառավարության պահուստային ֆոնդից։