News
Լրահոս
News
Երեքշաբթի
Հոկտեմբեր 15
USD
476.44
EUR
525.85
RUB
7.42
ME-USD
0.08
Տեսնել լրահոսը

Վրաստանի նախագահ Սալոմե Զուրաբիշվիլին ընդհատում է այցը Բելառուս։ Այս մասին Վրաստանի Առաջին ալիքին տեղեկացրել է նախագահի մամուլի խոսնակ Խաթիա Մոիսցրապիշվիլին, հայտնում է Վրաստանի Առաջին ալիքը։

Նրա խոսքով՝ այցը պետք է ավարտվեր վաղը երեկոյան, բայց Թբիլիսիի իրադարձությունների հետ կապված՝ Սալոմե Զուրաբիշվիլին կվերադառնա Վրաստան այսօր։

Վրաստանի նախագահը երեկ այցելել էր Բելառուս աշխատանքային այցով։ Մինսկում նա պետք է մասնակցեր II Եվրոպական խաղերի բացման արարողությանը։ Նախատեսված էին նաեւ պաշտոնական հանդիպումներ։

Վրաստանի խորհրդարանի նախագահ Իրակլի Կոբախիձեն նույնպես որոշել է ընդհատել այցն Ադրբեջան եւ վերադառնալ Վրաստան։ Կոբախիձեն չեղարկել է նախատեսված բոլոր հանդիպումները, այդ թվում Ադրբեջանի նախագահի եւ վարչապետի հետ։

Իրակլի Կոբախիձեի այցը Բաքու սկսվել էր հունիսի 20-ին եւ պետք է ավարտվեր հունիսի 22-ին։

Հիշեցնենք, որ նախօրեի երեկոյան բողոքի ցույցի մասնակիցները փորձել են անցնել ոստիկանական արգելապատնեշը եւ մտնել խորհրդարան, ոստիկանությունը արցունքաբեր գազ է օգտագործել, ռետինե փամփուշտներ եւ ջրնետ մեքենա նրանց ցրելու համար։

Վրաստանի առողջապահության նախարարության տվյալներով՝ Ռուսթավելու պողոտայի իրադարձությունների հետեւանքով տուժել են ցույցի 14 մասնակից եւ 38 իրավապահ։ Բողոքի պատրվակ է դարձել Թբիլիսի ռուսաստանյան պատվիրակության այցելությունը՝ ՌԴ Պետդումայի պատգամավոր, ՌԴԿԿ անդամ Սերգեյ Գավրիլովի գլխավորությամբ։ Պատվիրակությունը եկել է մասնակցելու Ուղղափառության միջխորհրդարանական վեհաժողովին (ՈւՄՎ), որը տեղի էր ունենում խորհրդարանում։ Գավրիլովը, որը ՈւՄՎ նախագահն է, բացել է նիստը՝ Վրաստանի խորհրդարանի նախագահի աթոռին նստած։ Դա առաջ է բերել վրացական ընդդիմադիր կուսակցությունների դժգոհությունը։

Վրացական ընդդիմությունը հայտարարել է, որ կշարունակի ցույցերն այսօր երեկոյան, խորհրդարանի շենքի մոտ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սաակաշվիլին խոստանում է Վրաստան վերադառնալ առաջիկա ամիսներին
Վրաստանի նախկին նախագահը խոստանում է երկիր վերադառնալ առաջիկա ամիսներին...
Գախարիան պաշտոնապես առաջադրվել է Վրաստանի վարչապետի պաշտոնում
Սպասվում է, որ Գախարիան արդեն այսօր Վրաստանի խորհրդարանին կներկայացնի կառավարության կազմը եւ ծրագիրը…
Վրաստանի վարչապետը հրաժարական է տվել
2018 թվականին վարչապետի պաշտոնում իր թեկանծության առաջադրման նպատակն երկրի զարգացման համար ռազմավարական շրջանակի ներդրումն ու ստեղծումն էր...
«Ռուսթավի-2»-ի հաղորդավարները հեռուստաընկերությունից իրենց հեռանալու մասին հայտնել են ուղիղ եթերում
Որտեղ, նրանց խոսքով, «տոտալ զտում է սկսվել»…
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...
Ամենաշատ