News
Լրահոս
News
Ուրբաթ
Մարտ 29
Տեսնել լրահոսը


ԱՄՆ կոնգրեսական Ֆրենկ Փալոնեն ներկայացրել է  երկկուսակցական բանաձեւ, ողջունելով 2018 թվականին Հայաստանի խաղաղ քաղաքական անցումը, գովաբանելով ԱՄՆ-Հայաստան ռազմավարական գործընկերությունը եւ կոչ անելով  երկկողմ համագործակցության խորացմանը, հաղորդում է Ամերիկայի Հայ Դատի հանձնախումբը:

Բանաձեւն աջակցել են կոնգրեսականներ Գուս Բիլիրաքիսը եւ Ջեքի Շփեյերը, նախագահ Փիթեր Քինգը եւ Ադամ Շիֆը:

«Մենք շնորհակալ  ենք կոնգրեսական Փալոնեին եւ նրա գործընկերներին այդ հեռանկարային օրենսդրության ընդունման համար, որն ուղղված է ԱՄՆ եւ Հայաստանի միջեւ երկկողմ համագործակցության ամրապնդմանը», -ասել է ANCA-ի գործադիր տնօրեն Արամ  Ամբարյանը:

«Այս միջոցը ինչպես արտացոլում, այնպես էլ ամրապնդում է ԱՄՆ եւ Հայաստանի միջեւ աճող ռազմավարական գործընկերությունը՝ հիմնված ընդհանուր արժեքների, շահերի վրա, աջակցվող հայկական ծագումով ամերիկացիների ակտիվ քաղաքացիական մասնակցությամբ»:

Փալոնեի խոսքով՝ անցած տարվա ընթացքում Հայաստանը վերափոխվեց զանգվածային շարժման միջոցով, որը հանգեցրեց ոչ բռնի «թավշյա հեղափոխության» եւ ազատ եւ բաց ընտրությունների: «Այս նշանակալի իրադարձությունները վկայում են ժողովրդավարությանը հայ ժողովրդի հանձնառության մասին եւ ցույց տալիս, թե ինչու է ԱՄՆ-ի համար այդքան կարեւոր խորացնել մեր փոխգործակցությունը վարչապետ Նիկոլ Փաշինյանի կառավարության հետ», - ասել է կոնգրեսականը:

«Հայաստանը գտնվում է ծանր փուլում է, երբ ԱՄՆ աջակցությունը կարող է նպաստել ժողովրդավարական եւ քաղաքացիական հաստատությունների զարգացմանը: Հուսով եմ, որ այս բանաձեւը կլինի ԱՄՆ-ի եւ Հայաստանի միջեւ գործընկերության լայնածավալ ռազմավարական թարմացման սկիզբ՝ հիմնված մեր ընդհանուր շահերի եւ արժեքների վրա: Բացի այդ, ես կշարունակեմ աշխատել իմ գործընկերների հետ ԱՄՆ  կողմից Հայոց ցեղասպանության պաշտոնական ճանաչման հարցի ուղղությամբ»:

«Հայաստանում վերջերս կայացած ազատ եւ արդար խորհրդարանական ընտրությունները հնարավորություն են տալիս ամրապնդել Հայաստանի հետ ԱՄՆ-ի կապերը, աջակցել ժողովրդավարական ինստիտուտներին եւ տնտեսական աճին, եւ Կոնգրեսը եւ վարչակազմը պետք է նախաձեռնող լինեն», - ասել է  Ադամ Շիֆը:

«Ես ուրախ եմ աջակցել այս բանաձեւին՝ ընդունելու համար Հայաստանի կողմից ձեռքբերված առաջընթացը եւ աջակցելու հայ ժողովրդի հնարավորությունների եւ իրավունքների ընդլայնման եւ երկկողմ հարաբերությունների խորացման գործում մասնակցությունը»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
NESA կենտրոնի ներկայացուցիչներն այցելել են Քննչական կոմիտե. վերապատրաստման պայմանավորվածություններ են ձեռք բերվել
ՀՀ քննչական կոմիտեում շարունակվում են Կոմիտեի տարածքային մարմինների…
Գրիգոր Էլիզբարյանն ԱՄՆ գործընկերներին է ներկայացրել զինվորական դատախազության գործունեությունը
Գլխավոր դատախազի տեղակալներն ընդունել են ԱՄՆ Միջազգային իրավական հետազոտությունների պաշտպանական ինստիտուտի ներկայացուցիչներին…
Քննարկվել են Քննչական կոմիտեի և ԱՄՆ ԹՊԻՀ գրասենյակի միջև համագործակցության ոլորտները
Արսեն Այվազյանը տիկին Կուրթին ողջունել է առաջին անգամ ՀՀ քննչական կոմիտեում և վստահություն հայտնել, որ նրա համակարգման ներքո Հայաստանում…
Պապոյանն ընդունել է ԱՄՆ դեսպանին. կարեւորել են 2024-ին «Ամերիկայի մրցունակության փոխանակում» ծրագիրը ՀՀ-ում անցկացնելը
Զրուցակիցներն անդրադարձել են Հայաստանի Հանրապետության և Ամերիկայի Միացյալ Նահանգների միջև Առևտրի և ներդրումների հարցերով աշխատանքային...
Արդարադատության ոլորտում գործող և սպասվող թվային հարթակները փոխնախարարը ներկայացրել է ԱՄՆ ՄԶԳ պատվիրակությանը
Պայմանավորվածություն է ձեռք բերվել հետագա աշխատանքային քննարկումների…
ՀՀ ԿԸՀ անդամ Աննա Գրիգորյանը մասնակցել է ԱՄՆ Պետդեպարտամենտի միջազգային այցելուների առաջնորդական ծրագրին
ՀՀ ԿԸՀ անդամ Աննա Գրիգորյանը ԱՄՆ Պետդեպարտամենտի միջազգային...
Ամենաշատ