News
Լրահոս
News
Ուրբաթ
Հուլիս 19
USD
476.48
EUR
535.52
RUB
7.56
ME-USD
0.17
Տեսնել լրահոսը

Վրաստանի արմատապես տրամադրված ընդդիմությունը հատուկ է օգտագործել ՌԴ պատվիրակության այցը Ուղղափառության միջխորհրդարանական վեհաժողովին՝ անկարգություններ անցկացնելու համար։ Այս մասին ՏԱՍՍ-ին ասել է Ռուսաստանի արտաքին գործերի փոխնախարար ԳրիգորիԿարասինը։

«Ուղղափառության միջխորհրդարանական վեհաժողովը, որը վաղուց նախատեսված էր Թբիլիսիում, միանգամայն ակնհայտորեն օգտագործվեց ընդդիմության արմատական տրամադրություններ ունեցող հատվածի կողմից, որպեսզի անկարգություններ հրահրի փողոցներում,- ընդգծել է բարձրաստիճան դիվանագետը։- Սա մեկ անգամ եւս ցույց է տալիս վրացի քաղաքական գործիչների հուզական լիցքավորվածությունը, որոնք ամեն բան անում են, որպեսզի խանգարեն Մոսկվայի եւ Թբիլիսիի հարաբերությունների կարգավորմանը»։

Միեւնույն ժամանակ, ինչպես նշել է Կարասինը, ամենակարեւորն այն է, որ «վեհաժողովի մասնակիցները չեն տուժել եւ վերադարձել են տուն»։ «Իսկ ինչ վերաբերում է մեր հարաբերությունների հարցին, ապա մենք կշարունակենք մեթոդաբար, հանգիստ աշխատել Թբիլիսիի հետ մեր հարաբերությունների կարգավորման եւ ակտիվացման ուղղությամբ»,- ասել է փոխնախարարը։

Հիշեցնենք, որ նախօրեի երեկոյան բողոքի ցույցի մասնակիցները փորձել են անցնել ոստիկանական արգելապատնեշը եւ մտնել խորհրդարան, ոստիկանությունը արցունքաբեր գազ է օգտագործել, ռետինե փամփուշտներ եւ ջրնետ մեքենա նրանց ցրելու համար։

Վրաստանի առողջապահության նախարարության տվյալներով՝ Ռուսթավելու պողոտայի իրադարձությունների հետեւանքով տուժել են ցույցի 14 մասնակից եւ 38 իրավապահ։ Բողոքի պատրվակ է դարձել Թբիլիսի ռուսաստանյան պատվիրակության այցելությունը՝ ՌԴ Պետդումայի պատգամավոր, ՌԴԿԿ անդամ Սերգեյ Գավրիլովի գլխավորությամբ։ Պատվիրակությունը եկել է մասնակցելու Ուղղափառության միջխորհրդարանական վեհաժողովին (ՈւՄՎ), որը տեղի էր ունենում խորհրդարանում։ Գավրիլովը, որը ՈւՄՎ նախագահն է, բացել է նիստը՝ Վրաստանի խորհրդարանի նախագահի աթոռին նստած։ Դա առաջ է բերել վրացական ընդդիմադիր կուսակցությունների դժգոհությունը։

Վրացական ընդդիմությունը հայտարարել է, որ կշարունակի ցույցերն այսօր երեկոյան, խորհրդարանի շենքի մոտ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...
Թբիլիսիում վնասվածք ստացած հայ ցուցարարը վերակենդանացման բաժանմունքից կտեղափոխվի պալատ. դեսպանություն
Նրանց փոխանցմամբ` Դավիթ Գրիգորյանի առողջական վիճակը գնահատվում է կայուն, եւ վերջինս այսօր կամ վաղը վերակենդանացման բաժանմունքից կտեղափոխվի պալատ...
Վրաստանում թաքցնում են բողոքի ակցիայի ժամանակ վիրավորված Դավիթ Գրիգորյանի վիճակի մասին տեղեկությունը
Հունիսի 26-ին տուժած Դավիթ Գրիգորյանը մինչեւ երեկ կոմայի մեջ էր...
Թբիլիսիում բախումների հետևանքով տուժածների թվում է Վրաստանի քաղաքացի Դավիթ Գրիգորյանը. Նրան վիրահատել են
Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հայտարարություններով...
Վրաստանի խորհրդարանի նախագահ է դարձել Առչիլ Թալաքվաձեն
Նա նշել է, որ Վրաստանի խորհրդարանի նախագահ լինելն իր համար մեծ պատասխանատվություն է...
Ամենաշատ