Հայաստանի ԱԻՆ-ում, այսօր՝ հունիսի 21-ին, ժամը 08:41-ին «911» ծառայությանը տեղեկություն է ստացվել, որ Երեւան քաղաքում Մալխասյանց փողոցի թիվ 25 շենքի մոտակայքում հաստաբուն ծառն ընկել է ճանապարհի երթեւեկելի հատված. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ ծառի ճյուղը կոտրվել եւ ընկել է երթեւեկելի հատված` միակողմանի փակելով այն. տեղում աշխատանքներ իրականացնելու համար անհրաժեշտ է հատուկ տեխնիկա:
Փրկարարները սահմանազատել են տարածքը եւ իրականացրել հերթապահություն մինչ կանաչապատման ծառայության աշխատակիցների մոտենալը:
