Նախագահ Դոնալդ Թրամփը NBC-ին տված հարցազրույցում հայտարարել է, որ պատերազմ չի ցանկանում, սակայն զգուշացրել, որ Իրանը ոչնչացման սպառնալիքի առաջ կհայտնվի, եթե պատերազմ, այնուամենայնիվ, բռնկվի:
Նա հայտնել է, որ ԱՄՆ-ն բաց է բանակցությունների համար, սակայն նա թույլ չի տա Իրանին միջուկային զենք ստեղծել:
Հարցազրյուցում նա նաեւ ասել է այն մասին, որ չեղարկել է Իրանի դեմ ավիահարվածը՝ իմանալով, որ արդյունքում 150 մարդ կմահանա:
«Դա ինձ դուր չեկավ: Ես չեմ կարծում, որ դա համաչափ կլիներ», - ասել է նա:
Ավելի վաղ ԻՀՊԿ-ն խոցված ամերիկյան անօդաչուի կապակցությամբ հինգշաբթի հրապարակված հայտարարությունում նշել էր, որ թռչող սարքը խախտել է երկրի օդային տարածությունը:
«Անօդաչուն խոցվել էր առավոտյան 04:05-ին ԻՀՊԿ ՌՕՈՒ կողմից Կուխե Մուբարաք շրջանում այն բանից հետո, երբ խախտել էր Իրանի օդային տարածությունը»,-նշվում է ԻՀՊԿ հայտարարությունում: