Հարավարեւելյան Ասիայի առաջնորդները կրկին մտահոգություն են արտահայտել ԱՄՆ-ի եւ Չինաստանի միջեւ առեւտրային պատերազմի կապակցությամբ, որը կարող է վերահսկողությունից դուրս գալ, հաղորդում է  AP-ը:

Երկու համաշխարհային տնտեսությունների միջեւ տեւական տարածաշրջանային հակամարտություններն ու տարաձայնությունները Հարավարեւելյան Ասիայի պետությունների առաջնորդների օրակարգում են, որոնք կհանդիպեն կիրակի Բանգկոկում ամենամյա գագաթնաժողովի ժամանակ:

Թաիլանդի վարչապետը, որն այս տարի Հարավարեւելյան Ասիայի պետությունների ասոցիացիայի (АСЕАН) նախագահն է, ներկայացել է պրոտեքցիոնիզմի դեմ, եւ կոչ արել անհապաղ ավարտել Չինաստանի գլխավորությամբ առեւտրային պակտի շուրջ բանակցությունները, հաղորդում է AFP-ը:

Տարածաշրջանային համապարփակ տնտեսական համագործակցությունը ներառում է АСЕАН-ի բոլոր 10 պետությունները, ինչպես նաեւ Հնդկաստանը, Ճապոնիան, հարավային Կորեան, Ավստրալիան եւ Նոր Զելանդիան:

«Պրոտեքցիոնիզմի բոլոր դրսեւորումները վնաս են հասցնում բազմակողմանի տնտեսական համակարգին»,-ասել է Թաիլանդի վարչապետ Պրայուտ Չան-Օ-Չան:

«АСЕАН-ը պետք է միասնական լինի RCEP մասին բանակցությունների ժամանակ, որը կստորագրվի այս տարի: Դա թույլ կտա փոխհատուցել շարունակվող առեւտրային հակամարտության ցանկացած ազդեցությունը»:

RCEP-ը դիտարկվում է որպես մեխանիզմ, որը թույլ է տալիս Չինաստանին մշակել առեւտրային կանոններ ԱՄՆ-ի հեռանալուց հետո Ասիական Խաղաղօվկիանոսյան տարածաշրջանում:

Ֆիլիպինների նախագահ Ռոդրիգո Դուտերտեի խոսքով՝ երկու խոշորագույն տնտեսությունների միջեւ առեւտրային պատերազմն ազդել է ամբողջ աշխարհի վրա եւ ԱՄՆ-ն ու Չինաստանը պետք է լուծեն տարաձայնությունները, քանի դեռ իրավիճակը վերահսկողությունից դուրս չի եկել:

Սակայն վերջին ամիսների ընթացքում RCEP-ը կնքելու գործընթացը հայտնվել է փակուղու մեջ, քանի որ Հնդկաստանը խուսափում է, որ մատչելի չինական ապրանքները կարող են հեղեղել հսկայական սպառողական շուկաները:

Ավստրալիան եւ Նոր Զելանդիան եւս մտահոգություն են հայտնել աշխատանքային եւ բնապահպանական երաշխիքների բացակայության կապակցությամբ: