News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

Արարատի մարզի Փոքր Վեդի համայնքի ծայրամասային թաղամասերը շուրջ մեկ ամիս է զրկված են խմելաջրից: Այս մասին NEWS.am-ի հետ զրույցում ասաց Փոքր Վեդիի համայնքապետ Նորիկ Մարտիրոսյանը:

«Մեր ջրամբարն այժմ նորոգում են, ջրամբարից ջուրը գնում է Նոր Կյանք համայնքին, Փոքր Վեդի եւ Լուսառատ համայնքներին, մեր համայնքն էլ որ երկու մասի է բաժանված, ջուրը մի մասին հասնում է, մի մասին` չէ: Հիմա մարդիկ ստիպված ջուրը գնում են, նույնիսկ երեկ «Վեոլիա» ջուրը բնակիչներին բերել, ջուր էր բաժանել»,- ասաց համայնքապետը:

Նրա խոսքով` դեռ մեկ ամիս առաջ գյուղացիները ցանկացել են ճանապարհ փակել, իրենց խնդիրը բարձրաձայնել, սակայն ինքը հորդորել է դիմել մարզպետարան հարցի լուծման համար:

«Արդեն մեկ ամիս է` դիմել ենք, սակայն խնդիրը չի լուծել, մի քանի օր առաջ մարզպետարանից մեզ հայտնեցին, որ իրենք չեն կարող հարցը լուծել, ասացին, որ լավ կլինի` դիմենք Կառավարություն»,-ասաց համայնքապետը:

Նորիկ Մարտիրոսյանն ասաց, որ երկուշաբթի նամակ կգրեն Կառավարություն, եթե Կառավարությունն էլ չկարողացավ հարցը լուծել, այդ դեպքում կդիմեն ծայրահեղ քայլի` ճանապարհ կփակեն:

 

 

Տպել