News
Լրահոս
News
Ուրբաթ
Մարտ 29
Տեսնել լրահոսը

«Միջազգային թափանցիկություն-Վրաստան» հասարակական կազմակերպությունը հետազոտություն է անցկացրել՝ պարզելու համար Վրաստանի հնարավոր կորուստները Ռուսաստանի կողմից «տուրիստական էմբարգոյի» պատճառով, հայտնում է «Գրուզիա On-line»-ը:

Կազմակերպությունից հայտարարում են, որ միայն այն դեպքում, եթե Ռուսաստանը հուլիսի 1-ից փակի Վրաստանի հետ սահմանը, այդ թվում՝ ցամաքային, եւ ոչ մի ռուսաստանցի զբոսաշրջիկ այստեղ չգա, Վրաստանի կորուստները կկազմեն 100 մլն դոլար:

Ընդ որում՝ ՀԿ-ից հայտարարում են նաեւ այն մասին, որ այս հատվածը տնտեսության մեջ ընդհանրապես կարեւոր դերակատարում ունի եւ հեռանկարում ռուսական էմբարգոն պետք է դրդի եվրոպական շուկան ավելի ակտիվորեն յուրացնելուն:

«Մենք պետք է ակտիվանանք այլ ուղղություններով: Եթե մինչ այս տուրիզմի մեր դեպարտամենտը Ռուսաստանը համարում էր ռազմավարական շուկա՝ այս ուղղությունը շատ էր գովազդվում, ապա հիմա այս ռեսուրսը պետք է տեղաբաշխվի այլ երկրների վրա»,- «Ռուսթավի-2» հեռուստաընկերության հետ հարցազրույցում հայտարարել է ՀԿ տնտեսագետ Բեսո Նամչավաձեն:

Վրաստանի տուրիզմի ազգային ասոցիացիայի տվյալներով՝ 2018 թվականին երկիր է այցելել 1,4 մլն ռուսաստանցի, իսկ ընդհանուր Վրաստան է եկել 7,2 մլն արտասահմանցի: Ռուսաստանցի զբոսաշրջիկների հոսքը 2018 թվականին կազմել է գրեթե 24 տոկոս՝ 2017 թվականի համեմատությամբ:

Ռուսական Տուրինդուստրիայի միության տվյալներով՝ 2019 թվականի առաջին 5 ամիսներին Վաստանում է եղել ավելի քան 500 հազար ռուսաստանցի: Վրաստանը մտնում է ռուսաստանցի զբոսաշրջիկների այցելությունների 15 ամենատարածված երկրների թվում:

Ինչպես արդեն հաղորդվել է, Ռուսաստանի կառավարությունը հուլիսի 8-ից Վրաստանի հետ ավիահաղորդակցությունն արգելել է թե՛ իր, թե՛ վրացական ավիաընկերություններին: Այս որոշումն ընդունվել է Ուղղափառության միջխորհրդարանական ասամբլեային խորհրդարանականների ռուսական պատվիրակության այցելության պատճառով Թբիլիսիում ծագած սկանդալի ֆոնին: Սա զանգվածային անկարգություններ է հրահրել, որոնց մասնակիցները պահանջում են վրացական կառավարության այն անդամների հրաժարականը, որոնք թույլ են տվել ռուսական պաշտոնական պատվիրակության այցելությունը եւ նրան բարձրագույն օրենսդիր մարմնում ընդունելը: Բողոքի ցույցերի մասնակիցները արդեն 4 օր դուրս են գալիս խորհրդարանի առջեւի փողոցներ՝ պաստառներով, որոնցում հիշեցնում են, որ Ռուսաստանը օկուպացրել է Վրաստանի տարածքի 20 տոկոսը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ-ն ու Չինաստանն ամրապնդել են համագործակցությունը կրթության, մշակույթի, գիտության և զբոսաշրջության ոլորտներում. դեսպան
Պարոն Ֆանգ Յոնգը նաև ընդգծել է Հայաստան-Չինաստան բարեկամության ընկերության դերն այդ կապերի...
Հայաստանը մի շարք երկրների համար կդառնա զբոսաշրջային նոր ուղղություն. Նոր ծրագիր է մեկնարկում
Հրավիրել և ֆինանսավորել ենք, որպեսզի տուրիստական երկրների ներկայացուցիչները Բալթյան երկրներից գան Հայաստան ինֆոտուրի, որպեսզի...
Այս տարվա փետրվարին ՀՀ է այցելել 127 հազար զբոսաշրջիկ. 2023-ին դա եղել է 130 հազար
2023 թ․ փետրվարին դեպի Հայաստան առավել շատ զբոսաշրջային այցելություններ գրանցվել են Ռուսաստանից (43%), Վրաստանից (14%) և Իրանից (7%)...
Կիոտոյում կարգելվի զբոսաշրջիկների մուտքը մի քանի շրջաններ՝ գեյշաների նկատմամբ ոտնձգությունների պատճառով
Արգելքն ուժի մեջ կմտնի հաջորդ ամսից...
Ռուսական տուրօպերատորները հայտել են դեպի Հայաստան տուրերի արժեքը
Շրջագայությունների արժեքը պարզել է Ռուսաստանի տուրօպերատորների ասոցիացիան …
Հայ-եգիպտական երկկողմ հարաբերություններում դինամիկ զարգացում է ապրում զբոսաշրջությունը. Փաշինյանը՝ աս-Սիսիին
Հայաստան կատարած Ձեր այցից հետո նկատելի է դարձել Հայաստանի նկատմամբ...
Ամենաշատ