News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը


Ինչու է «Լուսավոր Հայաստանի» ներկայացուցիչն իրեն էդպես պահում. վայել չի նման պահվածքը, նիստի ընթացքում բղավում եք, ընդհատում եք ելույթ ունեցողին: Այս մասին, այսօր՝ հունիսի 24-ին, ԱԺ-ում իր ելույթում նշեց ԱԺ փոխնախագահ Ալեն Սիմոնյանը՝ անդրադառնալով «Լուսավոր Հայաստան» խմբակցության ղեկավար Էդմոն Մարուքյանի նախօրեին Facebook-ի իր էջում ուղիղ եթերում արված հայտարարությանը եւ դրա այսօրվա արձագանքներին: Մասնավորապես, Մարուքյանը խոսելով Գյումրիում ռուսական չվերթների թվաքանակի ավելացման անհրաժեշտության մասին Քաղավիացիայի պետ Տաթեւիկ ռեւազյանին անվանել էր «սիրուն աղջիկ» իկս կառավարությանը՝ «փայլուն կառավարություն»:

Ալեն Սիմոնյանը շարունակեց. «Իմ քայլը» դաշինքն 88 պատգամավոր ունի, որեւէ մեկը չի բղավում, կամ եթե նման բան է լինում, դրա արձագանքը լինում է: Մի արեք այդպես: Խոսքը ոճաբանության մասին է: Դա ի՞նչ խոսելու ձեւ ա: Գալիս այստեղ ատելության մթնոլորտից եք խոսում: Հենց այստեղից է սկսվում, երբ որ ծաղրում ենք, հեգնում ենք: Էնքան հեգնեմ սաղին, որ որեւէ մեկին պակաս չթվա:

Էդ ինձ ձեւ է. Պետրոսյան Գեւորգը գալիս էստեղ կանգնում ասում է՝ ավելի լավ ա տղեն տղուն կոմպլիմենտ անի՞: Սա ի՞նչ խոսելու բան է: Դա էդ թեմայի մե՞ջ էր, հա՞»:

Տեղից Գեւորգ Պետրոսյանն սկսեց ինչ-որ բան բղավել, ինչին Ալեն Սիմոնյանն արձագանքեց. «Մի արձագանքեք տեղից եւ մնացեք պատգամավորին վայել չափի մեջ: «Դու» չի, «դուք» ա: Ժամանակին վեր եք կենում ասում եք՝ դուք ի՞նչ պատգամավոր եք, ես էնքան փորձ ունեմ: Էդ ի՞նչ փորձի մասին է խոսքը: Էս դահլիճում հոկտեմբերի 2 կազմակերպելու մասի՞ն է խոսքը, թե՞ այս խոսակցության մեջ տղեն տղուն գեղեցիկ ասելու մասին է խոսքը: Բոլորը թող մնան պատգամավորին վայել չափանիշերի մեջ: Դահլիճում գոռում, ելույթ ունեցողի հետ հավասար խոսում եք: Մի արեք տենց բան: Արձագանքը լինելու է տասնապատիկ ավելի ուժեղ, թող ոչ ոք չկասկածի: Այդ արձագանքը եղել է, երբ մենք իշխանություն չենք եղել, որեւէ մեկից չենք վախեցել, դուք հիմա պատկերացրեք, թե դրա արձագանքը ոնց ա լինելու»:

Տպել
Ամենաշատ