News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Կադաստրի կոմիտեում ձեւավորվող աշխատանքային խումբը մինչեւ օգոստոսի 1-ը կներկայացնի KPI-ի ցուցիչը հաշվարկելու տարբերակը, իսկ սեպտեմբերի 1-ից խրախուսման ողջ ֆոնդը Կադաստրի համակարգում կբաշխվի այդ ցուցիչով հաշված արդյունքի հիման վրա։ Արդեն տեղի են ունեցել մի շարք քննարկումներ, եւ ձեւավորվել են այն հիմնական մոտեցումները, որոնցով իրականացվելու է յուրաքանչյուր աշխատակցի կատարողականի գնահատումը։ Այսօրվա աշխատանքային խորհրդակցությանն այս մասին հայտնեց Կոմիտեի ղեկավար Սարհատ Պետրոսյանը՝ ավելացնելով, որ խումբը կղեկավարի Արայիկ Սահակյանը (Կոմիտեի ղեկավարի տեղակալ)։ Խմբում աշխատելու են Գոհար Գրիգորյանը (գլխավոր քարտուղար), գրանցման վարչությունից՝ Էդգար Պետրոսյանը, գրասենյակների վարչությունից՝ Նաիրա Խաչատրյանը եւ նույն վարչության փորձագետ Անուշ Ղազանչյանը, ֆինանսատնտեսագիտական վարչությունից՝ Ռոզա Սարոյանը։ Քննարկումներին շաբաթը մեկ անգամ կմասնակցի նաեւ Կոմիտեի ղեկավարը։

KPI-ը (Key Performance Indicator՝ հիմնական կատարողական ցուցիչ) աշխատանքային փաստացի արդյունքի քանակային ցուցիչն է։ Չափման նպատակը հիմնարկի արդյունավետ աշխատանքի կազմակերպումն է։ Դա նաեւ գործիք է՝ գնահատելու յուրաքանչյուրի աշխատանքային արդյունավետության մակարդակը։

Խորհրդակցությանն արծարծված մյուս կարեւոր հարցերից էր Կադաստրի գրասենյակներում կատարվող տեսաներածման որակը, ինչից Կոմիտեի ղեկավարությունն այս պահին դժգոհ է։ Սարհատ Պետրոսյանը Տեղեկատվական տեխնոլոգիաների կոմիտեի ղեկավար Կարեն Գրիգորյանին, գրասենյակների վարչության պետ Արման Օսիկյանին եւ անշարժ գույքի գրանցման վարչության պետ Խորեն Գասպարյանին հանձնարարեց տեղակալ Լեւոն Մելիքյանի հետ միասին լուծել հարցը։ Մեկ շաբաթում բոլոր 40 գրասենյակներում համապատասխան սարքերի վիճակագրությունը պետք է կազմվի եւ անհրաժեշտ նոր սարքերի որակական ու քանակական կարիքները հաշվարկվեն. «Գումարը չդիտարկե'լ որպես խնդիր. որքան պետք է՝ կհատկացվի, բայց տեսաներածումը պետք է լինի պատշաճ որակով, ամո'թ է»,- ասաց Պետրոսյանը՝ երկու շաբաթ ժամանակ սահմանելով սարքերը սպասարկելու ուղեցույց կազմելու համար։

Նա խորհրդակցությանը նշեց, որ Կոմիտեում մշակվող իրավական ակտերի նախագծերն ուղեկցող փաստաթղթերը երբեմն շատ խրթին լեզվով են գրվում, մյուս կողմից՝ «ջուրը դրանցում շատ է լինում», կարեւոր հիմնավորումները՝ բացակա։ Օրինակ բերեց անշարժ գույքի հարկման բազային առնչվող օրինագծի հիմնավորումը։ Նախագիծը որոշ շրջանակներում շահարկումների արժանացավ, թե իբր այսպիսով «բարձրանում է գույքահարկը», մինչդեռ հիմնավորումից պետք է հստակ հասկացվեր, որ նախագիծը նման բան չի ենթադրում.

«Ես հասկանում եմ, որ շահարկել ցանկացողն առանց հիմքի էլ կշահարկի, բայց հանրային քննարկման դրված մեր փաստաթղթում, օրինակ, չկար այն փաստը, որ այդպիսի վերանայում վերջին անգամ կատարվել է 2002 թվականին…»։ 

Այս շաբաթ Կոմիտեի ղեկավարությունն առանձին ամենամսյա հանդիպումների է հրավիրում բոլոր վարչությունների եւ բաժինների պետերին ու տեղակալներին, ժամատախտակի մասին յուրաքանչյուրը նախապես կտեղեկացվի։ Իսկ հունիսի 30-ի (այս տարի կիրակի օր է) մասնագիտական տոնին արհմիությունը համակարգի բոլոր աշխատակիցներին հրավիրում է «Մոսկվա» կինոթատրոն.

«Մարզերից եկողների համար գործուղում կձեւակերպվի, բայց չլինի' այնպես, որ մարզերում երկուշաբթի գրասենյակներն այդ պատճառով աշխատանքային ժամից ուշ բացվեն»։

Տպել
Կարդացեք նաև
Ամբողջը
Մհեր Գրիգորյանը շնորհակալություն է հայտնել ԱՄՀ-ին Հայաստանին աջակցելու համար
Հանդիպման ընթացքում երկուստեք կարեւորվել է այս տարվա մայիսին ԱՄՀ գործադիր խորհրդի կողմից հաստատված ծրագիրը…
Ավտոմաքսատունը Գյումրի տեղափոխելու տնտեսական էֆեկտը արդեն զգացվում է. Շուշան Ներսիսյան
Էն փաստը, որ այսօր տարբեր ավտոներմուծող կազմակերպություններ արդեն իսկ տարածքներ են վարձել…
Սահմանվել է վերահսկողություն կերակրի աղի նկատմամբ․ ՍԱՏՄ
Նշենք, որ հանրային սննդի օբյեկտները, սննդի արտադրությամբ զբաղվող կազմակերպությունները կամ անհատ ձեռնարկատերերը պարտավոր են Հայաստանի…
Գյումրիի Հյուսիսային ավտոմաքսատանը 30 հոգի արդեն ընդունվել են աշխատանքի, մնացածը Երեւանից են գալու. ՊԵԿ տեղակալ
ՊԵԿ տեղեկալը հավելեց, որ Գյումրիի աշխատակիցներն ընտրվել են գիտելիքների հիման վրա…
Երբ կսկսի գործել Գյումրիի նոր ավտոմաքսատունը․ պարզաբանում է ՊԵԿ նախագահի տեղակալը
Աշխատանքներն ընթանում են աննկարագրելի թափով…
«Ստվերի դեմ պայքարում աննախադեպ ծավալի հաջողություններ ունենք, բայց դա առավելագույնը չէ». ՀՀ վարչապետ
Վարչապետը նաեւ հավելեց, որ տնտեսական աճի եւ ակտիվության խթանումն ունի ոչ միայն ֆինանսական բաղադրիչ, այլ հոգեբանական բաղադրիչ...
Ամենաշատ