News
Լրահոս
News
Չորեքշաբթի
Հուլիս 17
USD
476.45
EUR
534.43
RUB
7.58
ME-USD
0.17
Տեսնել լրահոսը

Ռուսաստանցի զբոսաշրջիկների հետ կապված՝ Վրաստանի ֆինանսական կորուստների մեղավորը հանրապետության իշխանություններն են եւ այն ուժերը, որոնք ենթակա են նախկին նախագահ Միխայիլ Սաակաշվիլուն, կարծում է Վրաստանի խորհրդարանի նախկին նախագահ Նինո Բուրջանաձեն։

«Սաակաշվիլին ոչ միայն իր խաղն է խաղում, այլեւ գործում է ամերիկյան հատուկ ծառայությունների շահերից ելնելով։ Այդ մարդը պատրաստ է  եւ կդիմի ամեն ինչի, անգամ ներքին ապակայունացման»,- ասել է Բուրջանաձեն «Իզվեստիա»-ին։

Նա նաեւ ափսոսել է, որ ժամանակին (2012-ին) Վրաստանի իշխանությունները չեն կարողացել Ռուսաստանի հետ երկխոսությունը կարգավորել, եւ որ երկրի ներկայիս ղեկավարությունն արդեն վախենում է անել դա, որպեսզի չկորցնի արեւմտյան դաշնակիցների բարեհաճությունը։ Ռուսաստանի հետ հարաբերությունները, նրա գնահատմամբ,  դժվար է վերադարձնել անգամ այն մակարդակին, որը կար դեռ մեկ շաբաթ առաջ, մինչեւ ճգնաժամի սկսվելը։

«Ցավոք, մեր իշխանությունների անհեռատեսության պատճառով հիմա ռուս-վրացական հարաբերություններն արագ վերադարձնել ոչ թե գոհացուցիչ, այլ գոնե այն մակարդակին, որը կար մեկ շաբաթ առաջ, չափազանց դժվար կլինի։ Պետք է շատ լրջորեն աշխատել այդ ուղղությամբ, քանի որ վերջին իրադարձությունները ամեն բան հետ նետեցին»,- կարծում է նա։

Վրաստանի մայրաքաղաքում հունիսի 20-ին բողոքի ակցիաներ սկսվեցին, ցուցարարները հանդես էին գալիս Ուղղափառության միջխորհրդարանական վեհաժողովին ռուսաստանցի պատվիրակների մասնակցության դեմ։ Արմատականները ներխուժում էին խորհրդարանի շենք, որտեղ գտնվում էին Ռուսաստանի ներկայացուցիչները։ Հատուկ ջոկատայինները ցրեցին հանրահավաքը, բայց հունիսի 21-ին բողոքները շարունակվեցին։ Տուժեց 240 մարդ, ավելի քան 300 հոգի կալանվել է։

Ռուսաստանի նախագահ Վլադիմիր Պուտինը հունիսի 21-ին հրամանագիր է ստորագրել՝ արգելելով ռուսական ավիափոխադրողներին օդային փոխադրումներ իրականացնել Ռուսաստանից Վրաստան հուլիսի 8-ից, զբոսաշրջային օպերատորներին եւ գործակալներին խորհուրդ է տրվել ուղեգրեր չվաճառել։ Կառավարությանը հանձնարարվել է ապահովել ռուսաստանցիների վերադարձը հայրենիք։ Ռուսաստանի տուրօպերատորների ասոցիացիայում ՌԻԱ «Նովոստի»-ին ասել են, որ Վրաստանում հիմա մոտ 5-7 հազար զբոսաշրջիկ կա Ռուսաստանից՝ կազմակերպությունների կողմից մեկնած, եւ երկու-երեք անգամ ավելի շատ զբոսաշրջիկներ, որոնք մեկնել են ինքնուրույն։ Վրաստանի վիճակագրական տվյալներով՝ 2018-ին յուրաքանչյուր հինգերորդ զբոսաշրջիկը Վրաստանում (21 տոկոս) եղել է Ռուսաստանից։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...
Թբիլիսիում վնասվածք ստացած հայ ցուցարարը վերակենդանացման բաժանմունքից կտեղափոխվի պալատ. դեսպանություն
Նրանց փոխանցմամբ` Դավիթ Գրիգորյանի առողջական վիճակը գնահատվում է կայուն, եւ վերջինս այսօր կամ վաղը վերակենդանացման բաժանմունքից կտեղափոխվի պալատ...
Վրաստանում թաքցնում են բողոքի ակցիայի ժամանակ վիրավորված Դավիթ Գրիգորյանի վիճակի մասին տեղեկությունը
Հունիսի 26-ին տուժած Դավիթ Գրիգորյանը մինչեւ երեկ կոմայի մեջ էր...
Թբիլիսիում բախումների հետևանքով տուժածների թվում է Վրաստանի քաղաքացի Դավիթ Գրիգորյանը. Նրան վիրահատել են
Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հայտարարություններով...
Վրաստանի խորհրդարանի նախագահ է դարձել Առչիլ Թալաքվաձեն
Նա նշել է, որ Վրաստանի խորհրդարանի նախագահ լինելն իր համար մեծ պատասխանատվություն է...
Ամենաշատ