News
Լրահոս
News
Չորեքշաբթի
Հուլիս 17
USD
476.74
EUR
535.47
RUB
7.6
ME-USD
0.17
Տեսնել լրահոսը

Լրացավ Արտաշատի սահմանապահ ջոկատի 64 տարին։ Ինչպես տեղեկացնում է Հայաստանում ՌԴ ԱԴԾ ՍՎ մամուլի քարտուղարությունը, Արտաշատի սահմանապահ ջոկատը կազմավորվել է 1955 թվականի հունիսի 25-ին ԽՍՀՄ ՆԳՆ հրամանով։ Մինչ այդ սահմանապահ ուղեկալները մտնում էին Հոկտեմբերյանի (Արմավիրի) սահմանապահ ջոկատի մեջ։

Ջոկատը պահպանում է Թուրքիայի հետ սահմանի ավելի քան 70 կիլոմետրանոց հատվածը Արաքս գետով։ 1958-ին «Արարատ» ուղեկալին շնորհվեց ենթասպա Ալեքսանդր Կորյակովի անունը, որը կյանքի գնով պաշտպանեց պետական սահմանը սահմանախախտների հետ մարտական բախման ժամանակ 1948 թվականի օգոստոսի 2-ին։ Ալեքսանդր Կորյակովը  հուղարկավորված է Արարատի մարզի Արարատ քաղաքի մշակույթի այգում։ Նրա գերեզմանը մշտապես գտնվում է քաղաքի վարչակազմի եւ բնակիչների ուշադրության կենտրոնում, ինչի շնորհիվ չեն թառամում ծաղիկները նրա հուշարձանին։ Նրա անունով է կոչվում Արարատի փողոցներից մեկը։

Հայաստանի Հանրապետության տարածքում սահմանապահների գտնվելու տարիների ընթացքում Արտաշատի ջոկատի անձնակազմի եւ սահմանամերձ գոտու բնակիչների միջեւ ստեղծվել են հարգալից եւ փոխադարձ վստահության հարաբերություններ, ինչը նպաստում է շրջանում խաղաղության եւ անդորրի պահպանմանը։ Կամավորականներն ակտիվ օգնություն են ցուցաբերում սահմանապահներին հակաօրինական գործունեության կանխման գործում, կանխարգելիչ աշխատանքներ են իրականացնում տեղի բնակչության շրջանում՝ բացատրելու պետական սահմանի համար սահմանված իրավական ռեժիմի նորմերն ու կանոնները, եւ Հայաստանի Հանրապետության օրենսդրության պահանջները։

Սահմանապահ ջոկատի  օպերատիվ-ծառայողական գործունեության ընթացքում կալանվել են մի քանի հազար սահմանախախտներ։ Սահմանապահ ջոկատի պահպանած հատվածում իրադրությունն այսօր էլ շարունակում է մնալ բարդ ու լարված։ Հանցավոր տարրերի կողմից շարունակվում են հակաօրինական գործունեության փորձերը, մանավանդ պետական սահմանով ապօրինի միգրացիայի կազմակերպման հացում։

Սահմանապահ ջոկատի ղեկավարությունն անընդմեջ աշխատանք է տանում սահմանի պահպանման ինժեներային ապահովումը կատարելագործելու, հսկողության եւ տեսահսկման նորագույն համակարգերի գործարկման ուղղությամբ։ Հայաստանի իրավապահ մարմինների հետ  փոխգործակցությամբ մշտապես կատարվում են համատեղ զորավարժություններ եւ մարզումներ, որոնք թույլ են տալիս կատարելագործել երկրի անվտանգության ապահովման գործունեությունը։ Ավանդական են դարձել ամենամյա մրցումները Հայաստանի Հանրապետությունում ԱԴԾ Սահմանապահ վարչության եւ Հայաստանի ԱԱԾ Սահմանապահ զորքերի կինոլոգների միջեւ, որոնք կազմակերպվում են ջոկատում գործող ծառայողական շների բուծարանի հիման վրա։

Այսօր, ինչպես եւ տարիներ առաջ, կողք կողքի ոչ հեշտ ծառայություն են իրականացնում Ռուսաստանի եւ Հայաստանի ժողովուրդների լավագույն ներկայացուցիչները։ Իրենց համատեղ ծառայությամբ նրանք բազմապատկում են բարեկամության եւ բարիդրացիության դարավոր ավանդույթները։ Ընթանում են սահմանին դժվարին ծառայության տարիները, բայց Արտաշատի սահմանապահ ջոկատի առջեւ կանգնած խնդիրները մնում են նույնը՝ պահպանել Հայաստանի Հանրապետության պետական սահմանը, ԱՊՀ երկրների արտաքին սահմանը, ապահովել դրանց անձեռնմխելիությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«168 ժամ». Վրաստանի նախագահի հայտարարությունն ուղիղ կերպով կարող է վերաբերել նաեւ Հայաստանին
Նա նշել է, որ այս բարդ տարածաշրջանային քաղաքական իրավիճակը Հայաստանին դրել է մի իրավիճակի մեջ, երբ այս հարաբերությունների սրումն ուղիղ սպառնալիք է...
Զախարովան կիսվել է Հայաստան կատարած այցի տպավորություններով
«Հայաստանն իսկապես շատ գեղեցիկ է, այնտեղ ուրախ է, ամեն ինչ համեղ է...
Ռուսաստանը հարգանքով է վերաբերվում Հայաստանում տեղի ունեցող իրադարձություններին. Կոպիրկինը՝ Ռուստամ Բադասյանին
Հանդիպման ընթացքում նախարարն ու դեսպանը քննարկել են ԵՏՄ շրջանակում երկու երկրների միջեւ համագործակցությունն ընդլայնելու հնարավորությունները, անդրադարձել ՀՀ-ում հակակոռուպցիոն եւ դատաիրավական ոլորտներում...
«Գազպրոմից» աշխատանքային խումբ է գալու մոտ ժամանակներս. Մհեր Գրիգորյանը՝ հայ-ռուսական բանակցությունների մասին
Գազից հրաժարվելը կամ չհրաժարվելը հարց է, որը պայմանավորված է տեխնիկական հնարավորություններով, գնով ու դիվերսիֆիկացիայով...
Հայաստանի եւ Սվերդլովսկի մարզի միջեւ առեւտրաշրջանառությունն աճում է. Տիգրան Խաչատրյանը՝ Ալեքսեյ Օրլովին
Հայաստանի եւ ՌԴ Սվերդլովսկի մարզի միջեւ նախանշվել են համագործակցության զարգացման հեռանկարները...
«Իրավունք». Ռուբինյանի հետ մերձեցման երեկո եղե՞լ է. ինչ է պատմել ռուս պատգամավորը
Երբ Պյոտր Օլեգովիչի մոտ հնչեցրի Ռուբինյան ազգանունը, լարվածություն, տրամադրության անկում նկատեցի...