News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Արագ փոփոխվող աշխարհում ամեն օր մենք ականատես ենք լինում եւ բախվում նոր  իրողությունների հետ, ինչպիսիք են գործազրկությունը, աղքատությունը, լոկալ պատերազմական գործողությունները, մեծաթիվ փախստականների տեղաշարժը իրենց բնօրաններից եւ այլ մարտահրավերներ։ Այս մասին, այսօր՝ հունիսի 25-ին, Եվրոպայի խորհրդի խորհրդարանական վեհաժողովի ամառային նստաշրջանի լիագումար նիստին իր ելույթում նշել է հայկական պատվիրակության ներկայացուցիչ ՀՀ ԱԺ պատգամավոր Միքայել Մելքումյանը:

Նա, մասնավորապես, նշել է.

«Այս իրավիճակը տեղի է ունենում մի կողմից արտաքին մարտահրավերների հետեւանքով, մյուս մասն էլ՝ ներքին պետական կառավարման անարդյունավետության պատճառով։

Այժմ ներկայացնեմ այս առումով մեր հանրապետությունում առկա մեկ շատ կարեւոր հիմախնդիր։ Այսպես, Հայաստանի Հանրապետությունը սահմանակից է  4 երկրների՝ Վրաստան, Իրան, Թուրքիա եւ Ադրբեջան։ Դրանցից երկուսի հետ՝ Թուրքիայի եւ Ադրբեջանի,սահմանները փակ են, Իրանի հետ երկաթուղային ճանապարհ չունենք, իսկ Վրաստանի տարածքում երկաթուղին հայտնի պատճառներով փակ է։ Այսպիսով, Հայաստանը ծովային ելք  չունի, երկաթուղային ճանապարհ դեպի արտաքին աշխարհ չունի։

Իսկ դա նշանակում է, որ մեր հայրենական ապրանքատեսակների մրցունակությունը կտրուկ իջնում է լոգիստիկ խնդրի պատճառով։

Իհարկե, այժմ մեր տնտեսության կառուցվածքը փոփոխվում է ի օգուտ տեղեկատվական եւ բարձր տեխնոլոգիաների, բայց եւ ամբողջ տնտեսությունը չի կարող հիմնվել  IT-ի վրա։

Ելնելով այս իրողությունններից, ես մեկ շատ կոնկրետ հարց ունեմ հենց Եվրոպայի խորհրդի խորհրդարանական վեհաժողովին։ Հիմա եթե վեհաժողովի եւ Եվրոպայի խորհրդի անդամ 2 պետություններ՝ Ադրբեջանը եւ Թուրքիան շրջափակում են Եվրոպայի խորհրդի անդամ մեկ այլ երկրի՝ Հայաստանի սահմանները, եւ այն էլ արդեն երեսուն տարի, Եվրոպայի խորհուրդը անելիք ունի, թե չունի։

Ես կարծում եմ, որ հստակ անելիք ունի եւ այն էլ այն ձեւով, որ հստակ որոշումներով պարտադրի այդ շրջափակող երկրներին, իրականացնել  ապաշրջափակում եւ տա այդ երեւույթին իրավական եւ քաղաքական գնահատական։

Թե չէ ինչ է ստացվում մենք գալիս ենք այստեղ, նստում նույն դահլիճում, հայտնում տեսակետներ, աշխարհին եւ Եվրոպային հուզող տարբեր հարցերի վերաբերյալ, խոսում բարձր բարոյական արժեքների մասին, սակայն միաժամանակ դրսեւորում այդ  բարձր արժեքներին հակասող վարքագիծ։

Ես համոզված եմ, որ այս դահլիճում պետք է տիրի անկեղծության եւ արժանապատիվ կեցվածքի մթնոլորտ, այլ ոչ թե կեղծավորության եւ էժանագին դերասանության մթնոլորտ։

Իհարկե, տարբերություն կա արյունը վիրաբույժի ձեռքերին է, թե դահճի, բայց երկուսն էլ պատասխանատվության են ենթարկվում օրենքների եւ մարդու իրավունքների, խաղաղ գոյակցության եւ ուժի չկիրառման միջազգային նորմերի կոպիտ խախտումների համար։

Հիմա, ես դիմում եմ Եվրոպայի խորհրդի խորհրդարանական վեհաժողովին։

Պահանջում եմ համարժեք արձագանք  սահմանել շրջափակող երկրների նկատմամբ»։

Տպել
Կարդացեք նաև
Ամբողջը
ՀՀ-ում իր առաքելությունն ավարտող ԵԽ գրասենյակի ղեկավարն անդրադարձել է դատական համակարգում վեթինգին
Ռուստամ Բադասյանը բարձր է գնահատել ՀՀ-ում իր առաքելությունն ավարտող ԵԽ գրասենյակի ղեկավարի աշխատանքը…
Սուրեն Պապիկյանը հրաժեշտի հանդիպում է ունեցել ԵԽ գրասենյակի ղեկավար Նատալյա Վուտովայի հետ
Նախարարի խոսքով տեղական ժողովրդավարության զարգացումը շարունակելու է մնալ ՀՀ կառավարության և ԵԽ համատեղ օրակարգի կարևոր բաղադրիչը՝ էլ ավելի...
ԵԽԽՎ ամառային նստաշրջանը չեղարկվել է կորոնավիրուսի պատճառով
Եվրախորհրդարանը կոշտ հայտարարությամբ է հանդես եկել Հայաստանի եւ Ղարաբաղի միջեւ նոր ճանապարհի կառուցման կապակցությամբ
«Այս ճանապարհը կառուցելու որոշումը կայացվել է առանց Ադրբեջանի իրավասու մարմինների համաձայնության՝ միջազգային իրավունքի խախտմամբ...
Եվրոպայի Խորհուրդը Հայաստանի քրեակատարողական համակարգին պաշտպանության միջոցներ է փոխանցել
Օգնությունը հնարավոր է դարձել «Առողջապահության եւ մարդու իրավունքների պաշտպանության ամրապնդումը Հայաստանի բանտերում» ծրագրի շրջանակում...
Էդմոն Մարուքյանը ԵԽԽՎ-ում նշանակվել է Ռումինիայի անդամության պարտավորությունների կատարման հարցերով համազեկուցող
Պարզվեց՝ վերջին անգամ Հայաստանից այլ երկրի համազեկուցող ենք ունեցել 2007 թվականին…