News
Լրահոս
News
Կիրակի
Հուլիս 21
USD
476.48
EUR
535.52
RUB
7.56
ME-USD
0.17
Տեսնել լրահոսը

Saudi Aramco-ն մտահոգ է Պարսից ծոցի վերջին իրադարձություններից, բայց կարող է բավարարել իր հաճախորդների պահանջմունքները փորձի եւ հավելյալ պահուստային հզորությունների առկայության շնորհիվ, ասել է ընկերության ղեկավարը։

«Այն, ինչ տեղի է ունենում Պարսից ծոցում, անշուշտ, անհանգստացնում է մեզ»,- ասել է նավթային հսկայի ղեկավար Ամին Նասերը Reuters-ի հարցազրույցում։ «Միեւնույն ժամանակ, անցած տարի մենք մի շարք ճգնաժամեր ենք ապրել... մենք միշտ կատարել ենք մեր պարտավորությունները հաճախորդների առջեւ, եւ մենք իսկապես ճկունություն ու համակարգի հասանելիություն ունենք հավելյալ պահուստային հզորությունների տեսակետից»։

Նավթի գները բարձրացել են Պարսից ծոցի մոտ լցանավերի վերջին գրոհներից եւ աշխարհում գլխավոր նավթային զարկերակներից մեկի անվտանգության առիթով անհանգստության ուժեղացումից հետո։

Նասերը, որը Սեուլ է եկել Սաուդյան Արաբիայի թագաժառանգ Մուհամեդ իբն Սալմանի այցի նախօրեին, ասել է, որ Aramco-ն չի նախատեսում ավելացնել օրական 12 միլիոն բարելի ընթացիկ առավելագույն արտադրողականությունը՝ հաշվի առնելով զգալի պահուստային հզորությունները։

«Եթե նայենք մեր արտադրությանը, ապա այն տատանվում է օրական մոտ 10 բարելի մակարդակի սահմաններում, այնպես որ մենք իսկապես ունենք հավելյալ պահուստային հզորություններ»,- ասել է նա։

Aramco-ն ձգտում է դառնալ առաջատարներից մեկը գազի համաշխարհային շուկայում եւ մշակում է սեփական ռեսուրսները, ինչպես նաեւ դիտարկում է ԱՄՆ, Ռուսաստանի, Ավստրալիայի եւ Աֆրիկայի գազային ակտիվները։

Նասերն ասել է, որ Aramco-ն բանակցություններ է վարում Նովատեկա Արկտիկ նախագծի, ինչպես նաեւ հնդկական Reliance Industries-ի բաժնի գնման մասին։

«Մենք կշարունակենք ուսումնասիրել տարբեր շուկաների եւ տարբեր ընկերությունների հնարավորությունները, իսկ դա որոշակի ժամանակ կպահանջի»,- ասել է նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կառավարությունը չգիտի անելիքը էներգետիկայի ոլորտում․ Հրանտ Բագրատյան
Ցանկացած տնտեսական բարեփոխում պահանջում է ռեսուրսների ապակենտրոնացում և ժողովրդավարություն․․․․
Նոր ՋԷԿ-ի պայմանագիրը վերաբանակցվել է, տարեկան 6.4 մլն դոլարի խնայողություն է ապահովվել. պարզաբանում
Տեղեկացնում ենք, որ ծրագրի ընդհանուր արժողությունը կազմում է շուրջ 256 մլն ԱՄՆ դոլար, որից շուրջ 93.4 մլն. ԱՄՆ դոլարի չափով ներդրվել է...
Հայաստանը երկրորդ ԱԷԿ-ի կարիք ունի. փորձագետ
Ազատյանը շեշտեց, որ երկրի էներգետիկ համակարգը պետք է կարգի բերել, հավելելով, որ անհրաժեշտ միջոցների ձեռնարկման դեպքում, հնարավոր կլիներ խուսափել էլեկտրականության անջատումից...
Նավթի գները նվազում են
Նավթի համաշխարհային գները նվազում են...
Ավինյանը էմիրաթական «Մասդար» ընկերությանը ներկայացրել է ՀՀ–ում վերականգնվող էներգետիկայի ներուժը
Փոխվարչապետ Տիգրան Ավինյանն ընդունել է էմիրաթական «Մասդար» ընկերության պատվիրակությանը...
Գազից հրաժարվել-չհրաժարվելը պայմանավորված է տեխնիկական հնարավորություններով, գնով ու դիվերսիֆիկացիայով. փոխվարչապետ
Մեր գործողությունները պետք է պայմանավորված լինեն նախեւառաջ մեր հայրենակիցների շահերով եւ այստեղ որեւէ կաշկանդվածություն չպետք է լինի...