News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը


Քիչ առաջ ՀՀ երկրորդ նախագահ Ռոբերտ Քոչարյանը իր ավտոմեքենայով ժամանեց  «Երևան–Կենտրոն» ՔԿՀ։

ԱԱԾ շենքի դարպասի մոտ Քոչարյանը կանգնեցրեց մեքենան, դուրս եկավ, ողջունեց հավաքված իր աջակիցներին, գրկախառնվեց որդու՝ Լևոն Քոչարյանի հետ։

Լրագրողների հարցին՝ ինչպես կմեկնաբանի դատարանի որոշումը, Քոչարյանը պատասխանեց. «Կարծում եմ՝ դուք տեսել եք՝ ոչ օրենք կա, ոչ օրինականություն»։

Հարցին՝ արդյոք ասելիք չունի, Քոչարյանը պատասխանեց. «Օ՜, էնքան ասելիք ունեմ»։

Այդ ընթացքում երկրորդ նախագահի աջակիցները վանկարկում էին «Քոչարյան, հերոս» և «Փաշինյան, դավաճան»։

Դրանից հետո Քոչարյանը կրկին նստեց մեքենան և մտավ կալանավայր։

Հիշեցնենք, որ այսօր ՀՀ երկրորդ նախագահ Ռոբերտ Քոչարյանի և մյուսների բողոքները քննող Վերաքննիչ քրեական դատարանի դատավոր Արմեն Դանիելյանը որոշում կայացրեց դատախազների, տուժողների և նրանց իրավահաջորդների ներկայացուցիչների վերաքննիչ երկու բողոքներն էլ բավարարել, բեկանել առաջին ատյանի դատարանի դատավոր Դավիթ Գրիգորյանի մայիսի 18–ի և մայիսի 20–ի որոշումները, Քոչարյանի նկատմամբ, որպես խափանման միջոց ընտրված անձնական երաշխավորությունը վերացնել և նրա նկատմամբ, որպես խափանման միջոց ընտրել կալանավորումը։

Դատարանը միևնույն ժամանակ որոշում կայացրեց Ռոբերտ Քոչարյանի գործի վարույթը կասեցնելու և Սահմանադրական դատարան դիմելու մասին Երևան քաղաքի ընդհանուր իրավասության առաջին դատարանի մայիսի 20–ի որոշումը բեկանել, գործն ուղարկել նույն դատարան նոր քննության։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կտրելով փորձը եռանդից մենք ունենում ենք նաեւ այն, ինչ ունենք. Ռոբերտ Քոչարյան
Փորձել եմ շատ անկեղծ շարադրել այն, ինչ եղել է, եւ դատելով արձագանքներից, ոնց որ...
Ռոբերտ Քոչարյանը Zoom-ով հանդիպում է ունեցել աջակիցների և համակիրների հետ
Քննարկվող հարցերը` ներքին և արտաքին քաղաքականությունից, Արցախյան հիմնախնդրից...
Ռոբերտ Քոչարյանի փաստաբան. դատախազության միջնորդության քննարկման վրա 2 նիստ կորցրեցինք
Ինչպես ավելի վաղ հայտնել էինք, դատավոր Աննա Դանիբեկյանը մերժեց դատախազության ոչ միանշանակ միջնորդությունը...
Քոչարյանի եւ մյուսների գործով դատավորը մերժեց դատախազության ոչ միանշանակ միջնորդությունը
Հաջորդ նիստը տեղի կունենա հուլիսի 14-ին ժամը 13:00-ին...
Պետք չի սպառնալ, մեզ էնքան են սպառնացել, որ ինչ էլ սպառնաք, նորություն չի լինելու. Ալումյանը՝ դատախազին
Մեղադրողն արդեն ձեր փոխարեն որոշել է ու դատական նիստին անտեսելով ձեզ, բացարձակապես ձեզ դատարանի տեղ չդնելով ինքն իր հարցերն է փորձում լուծել պաշտպանական կողմի հետ…
Ռոբերտ Քոչարյանի գործով դատավարությունը սկսվեց դատախազների միջնորդության քննարկումից
Հիշեցնենք, որ ըստ դատախազների՝ խոսքը «պաշտպանության կողմի իրավունքների չարաշահման» մասին է...